Job 2:10 - An Bibel Kernewek 20234 (Kernewek Kemmyn)

¹⁰ Mes yn-medh ev dhedhi, ‘Ty a gews kepar dell gewssa onan a'n benynes foll. A wren ni degemmeres dader dhiworth leuv Duw, hag a ny wren ni degemmeres drogedh?’ Gans hemma oll ny beghas Job gans y dhiwweus.

Job 2:10 ပူးပေါင်းရင်းမြစ်များ

Jenesis 3:17

Ha dhe Adam ev a leveris, ‘Rag ty dhe goela orth lev dha wreg, ha dybri a'n wydhenn may hwrug vy gorhemmynna dhis, ow leverel, “Na wra dybri anedhi”, milliges yw an dor a'th wovis jy; dre lavur ty a wra dybri anodho oll an dydhyow a'th vewnans.

2 Samuel 13:13

Ha my, ple hyllyn doen ow meth? Ha ty, ty a vydh avel onan a'n vilens yn Ysrael. Lemmyn, my a'th pys, kows dhe'n myghtern; rag ny nagh ev ow ri dhis.’

2 Samuel 19:22

Davydh a leveris, ‘Pyth eus yntra my ha hwi, hwi mebyon Seruya, may teuvewgh ha bos hedhyw eskerens dhymm? A vydh denvyth gorrys dhe'n mernans hedhyw yn Ysrael? A ny wonn vy y'n jydh hedhyw ow bos myghtern war Ysrael?’

2 Samuel 19:28

Rag oll chi ow thas a veu gwer ow tervynn an mernans dherag ow arloedh; hwath ty a settyas dha was yn mysk an re a dheber orth dha voes. Ytho py reyth eus dhymm kria moy dhe'n myghtern?’

2 Samuel 24:10

Ha kolonn Davydh a veu gweskys wosa ev dhe nivera an bobel. Hag yn-medh Davydh dhe'n Arloedh, ‘My re beghas yn feur y'n pyth re wrugavy. Mes lemmyn, A Arloedh, my a'th pys, gav kammweyth dha was; rag my re wrug yn foll.’

2 Kroniklys 16:9

Rag dewlagas an Arloedh a wander dres oll an norvys rag krevhe an re hag yth yw aga holonn lel dhodho. Ty re wrug tra foll y'n dra ma; rag alemma rag ty a' fydh breselyow.’

Job 1:10

A ny worrsys ke a-dro dhodho ha dh'y ji ha dhe bup-tra a'n jeves, orth pub tu? Ty re vennigas ober y dhiwleuv, ha'y jatel re gressyas y'n pow.

Job 2:9

Ena y wreg a leveris dhodho, ‘A withydh hwath yn fast dha lander? Millik Duw ha marw.’

Salmow 39:1

Yn-medhav, ‘My a with ow fordhow rag na begghiv gans ow thaves; my a with ow ganow gans fronn hedre vo an tebelwas y'm gwel.’

Salmow 39:10

Kemmer dha strekys dhiworthiv; dre voemmenn dha leuv yth av vy dhe goll.

Salmow 39:9

Avlavar en vy, ny igeris vy ow ganow, rag ty yw neb a wrug hemma.

Salmow 59:12

Rag pegh aga ganow, ha geryow aga gweusyow, bedhens i kemmerys yn aga goeth. Ha rag an mollethi ha'n gowleverel a leverons,

Lavarow Koth 9:13

An venyn Follneth yw trosek, dibreder yw ha ny woer travyth.

Lavarow Koth 9:6

Gesewgh sempledh ha bewewgh, ha kerdhewgh y'n fordh a gonvedhes.’

Ekklesiastes 7:14

Yn dydh sewena bydh lowen! Hag yn dydh a dhrog, gwra prederi a-dro dhe hemma. Duw re wrug an eyl ha'y gila, ma na allo denvyth diskudha travyth a hwyrvydh y'n termyn a dheu.

Kynvannow 3:37

Piw a yll gorhemmynn hag y fydh gwrys, mar ny'n ordenas an Arloedh?

Matthew 16:23

Mes ev a dreylyas ha leverel dhe Peder, ‘Ke a-dryv dhymm, Satnas; ty a wra ow sklandra, rag ny brederydh an taklow a Dhuw, mes an taklow a dus.’

Matthew 25:2

Pymp anedha o foll ha pymp o fur.

Yowann 18:11

Ena yn-medh Yesu dhe Peder, ‘Gorr an kledha y'n woen. An hanaf a ros dhymm an Tas, a ny wrav vy y eva?’

Romanyon 12:12

yn govenek ow lowenhe, yn galar ow tiskwedhes perthyans, ow pesya yn tiwysyk yn pysadow,

Jamys 1:12

Gwynnvys an gour a bes yn-dann brevyans rag, wosa bos prevys, ev a dhegemmer an gurun a vewnans a ambosas Duw dhe'n re a'n kar.

Jamys 3:2

Pubonan ahanan a gammwra yn lies tra. Den mar ny gammwra yn y lavar, gour perfydh yw hemma, hag ev a yll fronna an korf dien ynwedh.

1 Samuel 3:18

Ha Samuel a dherivas dhodho pup-tra ha ny gudhas travyth a-dhiworto. Hag ev a leveris, ‘An Arloedh yw; Gwres ev an pyth a hevel da dhodho.’