Job 18:8 - An Bibel Kernewek 20234 (Kernewek Kemmyn)

⁸ Rag ev yw tewlys yn roes der y dreys y honan; ev a gerdh bys yn maglenn.

Job 18:8 ပူးပေါင်းရင်းမြစ်များ

Ester 3:9

Mara pleg dhe'n myghtern, bedhes skrifys y fydhons distruys: ha my a wra poesa deg mil dalent a arghans yn diwla an re charjys gans an ober, rag y dhri a-berth yn tresorvaow an myghtern.’

Ester 6:13

Ha Haman a dherivas orth Zeresh y wreg hag oll y gowetha pup-tra re hwarvia dhodho. Yn-medh y dus skentel ha Zeresh y wreg dhodho, ‘Mordekay, may tallathas dha derroes a-ragdho, yw a has an Yedhewon; ny wre'ta prevaylya er y bynn, mes koedha a wredh a-ragdho yn surredi.’

Ester 7:10

Ytho, i a grogas Haman war an wydhenn a bareussa ev rag Mordekay, hag yndella koselhes veu konnar an myghtern.

Ester 7:5

Ena myghtern Ahasuerus a gewsis ha leverel dhe Ester an vyghternes, ‘Piw yw ev, ha ple'ma ev neb a vynnsa lavasos yn y golonn gul yndella?’

Job 18:9

An antell a'n kemmer er an seudhel; ha'n maglenn a sett dalghenn ynno.

Job 19:6

godhvydhewgh lemmyn Duw dhe'm domhwel, ha'm kyrghynna gans y roes.

Job 22:10

Rakhenna yma antylli a-dro dhis, hag own a wra dha euthega a-dhistowgh,

Job 5:5

An den nownek a dheber y drevas, hag ev a's kemmer hwath dhiworth spern; ha'n dus syghesik a dhyen rag y rychys.

Salmow 35:8

Bedhes ev sowdhenys gans terroes, ha bedhes ev kemmerys y'n roes a gudhas ev; koedhes ev ynni dhe derroes.

Salmow 9:15

An kenedhlow re sedhis y'n pytt a wrussons; y'n roes a gudhsons, aga throes aga honan re beu kechys.

Lavarow Koth 29:6

Yn offens an tebelwas yma antell, mes an den gwiryon a gan hag a lowenha.

Lavarow Koth 5:22

An tebelwas yw maglennys gans y gammweythresow y honan, hag ev a vydh synsys fast yn kerdyn y begh.

Ysay 24:17

Euth, ha'n pytt, hag antell warnas, annedhyas an norvys!

Ysay 24:18

Piwpynag a fio dhiworth tros an euth a goedh y'n pytt, ha piwpynag a yskynno dhiworth an pytt a vydh kechys y'n vaglenn. Rag fenestri an ughelder yw igerys ha selyow an norvys a gren.

Ezekiel 32:3

Yndellma y lever an Arloedh Duw: My a les warnas ow roes yn kuntelles a lies pobel, hag i a'th tre yn-bann y'm roes-draylya.

1 Timothi 3:7

Res yw ynwedh dhodho kavoes dustuni da dhiworth an re usi a-ves, ma na goettho yn disenor ha maglenn an jowl.

1 Timothi 6:9

An re a vynn bos rych a goedh yn temptasyon ha maglenn ha lies tebel-ewl gokki ha drog a wra dhe dus beudhi yn terroes ha diswrians.

2 Timothi 2:26

ha rag may tehwellons dhe dhivedhowder yn-mes a vaglenn an jowl, maglennys ganso dhe wul y vodh.