Job 15:31 - An Bibel Kernewek 20234 (Kernewek Kemmyn)

³¹ Na drestyes ev yn euveredh, owth omdoella, rag gwakter a vydh y wober.

Job 15:31 ပူးပေါင်းရင်းမြစ်များ

Job 12:16

Ganso yma nerth ha doethter; dhodho yma an den toellys ha'n den a doell.

Job 31:5

‘Mar kerdhis gans falsuri, po mar fistenas ow throes dhe doell –

Job 35:13

Yn sur ny glew Duw kri gwag, ny wra an Ollgalloesek vri anodho.

Job 4:8

Dell welis, an re a ar anewnder ha hasa trobel a wra aga mysi.

Salmow 62:10

Na drestyewgh yn garowder, ha na fydhyewgh yn euver yn ladrans; mar moghha rychys, na worrewgh agas kolonn warnodho.

Lavarow Koth 22:8

Neb a has kammhynseth a vys terroes, ha gwelenn y sorr a fyll.

Lavarow Koth 24:20

Rag ny vydh dhe'n drogwas govenek rag an termyn a dheu. Lugarn an debeles a vydh difeudhys.

Ysay 44:20

Ev a beur war lusu, kolonn doellys re'n kammhembronkas, ha ny'n jeves delivra y enev na leverel, ‘A nyns eus gow y'm leuv dhyghow?’

Ysay 59:4

Denvyth ny elow rag ewnder; denvyth ny bled y gen gans onester. I a drest yn gwakter ha kewsel euveredh; i a gonsev anken ha dineythi droktra.

Yeremia 37:9

Yndellma y lever an Arloedh: Na omdoellewgh, ow leverel, ‘An Kaldeanys a wra mos yn sur ahanan’, rag ny vynnons mos dhe-ves.

Hosea 8:7

I re hasas an gwyns, ha mysi an korwyns. Garrow an ys ny's teves penn; ny wra bleus. Mar kwrello greun, ena estrenyon a wra y lenki.

Yona 2:8

An re a wra vri a idolys euver a forsak aga thregeredh aga honan.

Galatianys 6:3

Rag mar tyb neb den y vos neppyth pan nag yw ev travyth, ev a omdoell.

Efesianys 5:6

Na wres denvyth agas toella dre lavarow gwag; rag drefenn an taklow ma y teu sorr Duw war vebyon diwostytter.