Job 14:12 - An Bibel Kernewek 20234 (Kernewek Kemmyn)

¹² yndella y hwrowedh gour ha ny sev; bys pan nag eus nev na fella, ny dhifunons, na ny dhons yn-mes a'ga hosk.

Job 14:12 ပူးပေါင်းရင်းမြစ်များ

Job 3:13

Rag ena my a wrowedhsa ha bos kosel, my a gosksa, ena my a via yn powesva

Job 30:23

My a woer ty dhe'm dri dhe'n mernans, ha dhe'n chi apoyntys rag pub den bew.

Job 7:21

Prag na evydh ow threuspass ha kemmeres dhe-ves ow hammweyth? Rag lemmyn my a wrowedh y'n doust; ty a'm hwila mes ny vydhav ena.’

Job 7:9

Kepar dell dhifyk an gommolenn ha mos dhe-ves, yndella ny dheu neb a dhiyskynn dhe ifarn war-vann arta;

Salmow 102:26

I a dhe goll, mes ty a sev; i a gothha avel kweth. Avel dillas ty a's treyl hag i a dremen;

Salmow 90:5

Ty a worr diwedh dhedha avel dhe hunros; y'n myttin yth yns avel gwels ow tevi.

Ekklesiastes 11:8

Ytho mar pew den lies blydhen, gwres ev lowenhe ynna oll, mes perthes ev kov a'n dydhyow a dewlder, rag lower vydhons i. Euveredh yw pup-tra a dheu.

Ekklesiastes 12:5

hag ynwedh i a berth own a'n dra yw ughel hag a beryllow y'n fordh; ha'n alamandwydhenn a vleujyow, ha'n kulyek-reden a dheu ha bos syger, ha frut an kaper a gyll y nerth; pan vydh den ow mos dh'y ji heb diwedh, ha'n gynoryon a wra mos a-derdro y'n stret;

Ysay 26:19

Dha re varow a vydh bew; aga horfow a sev. Difunewgh ha kenewgh yn lowen, annedhysi an doust; rag dha luth yw gluth a wolow, ha'n nor a dhineyth spyrysyon an re varow.

Ysay 51:6

Drehevewgh agas dewlagas war-vann dhe'n nevow ha mirewgh orth an nor a-woeles; rag an nevow a deudh dhe-ves avel mog, an nor a vydh usys avel kweth, ha'n re usi trigys warnodho a verow avel gwibes; mes ow selwyans a vydh bys vykken, ha ny vydh diwedh dhe'm ewnder.

Ysay 65:17

Rag awottavy ow kreatya nevow nowydh ha nor nowydh; ny vydh kovhes an kynsa, nag entra y'n brys.

Ysay 66:22

Rag kepar dell vydh an nevow nowydh ha'n norvys nowydh, a wrav aga kreatya, ow sevel a-ragov, yn-medh an Arloedh, yndellma y sev agas has ha'gas hanow.

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Matthew 24:35

Nev ha nor a dremen dhe-ves, mes ow geryow vy, ny dremenons dhe-ves.

Oberow 3:21

Y telledh nev dh'y gemmeres bys yn prysyow daskorrans pup-tra oll, dell gewsis Duw dre anow y brofoesi sans nans yw pell.

Romanyon 8:20

Rag yth esa an kreasyon yn-dann vaystri euveredh, nyns o a'y vodh mes der y vodh ev neb a'n fethas yn govenek;

Efesianys 5:14

rag pup-tra a veu diskwedhys yw golow. Rakhenna, leverys yw, ‘Sav, ty neb a gosk, ha sav yn-bann mes a'n re varow, ha Krist a re dhis golow.’

2 Peder 3:7

Mes an nevow ha'n nor a'n termyn ma re beu gwithys der an keth ger rag tan, synsys bys dydh breus, ha diswrians an re dhidhuw.

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.

Diskwedhyans 21:1

Ha my a welas nev nowydh ha nor nowydh: rag an kynsa nev ha'n kynsa nor re dremensa dhe-ves, ha nyns esa mor namoy.