Job 12:14 - An Bibel Kernewek 20234 (Kernewek Kemmyn)

¹⁴ Mar tewl ev dhe'n dor, ny yll denvyth dastrehevel; mar tege ev gour a-bervedh, ny yllir igeri.

Job 12:14 ပူးပေါင်းရင်းမြစ်များ

Jenesis 7:16

An re ow mos a-ji, gorow ha benow a bub kig, a dheuth kepar dell wrussa Duw y erghi; ha'n Arloedh a'n degeas a-ji.

Job 11:10

Mar tremen ev, ha prisonya, ha gelwel dhe vreus, piw a yll y lettya?

Job 16:11

Duw re'm delivras dhe'n den didhuw, ha'm ri yn diwla an debeles.

Job 19:10

Ev a'm distru war bub tu, ha gyllys ov, hag ev re gemmeras ow govenek yn-mes kepar ha gwydhenn.

Job 37:7

Ev a lett pub den oll rag oberi, mayth aswonno oll tus y ober.

Ekklesiastes 7:13

Gwel ober Duw. Piw a yll ewnhe an pyth a gammas?

Ysay 14:23

My a's gwra yn perghennogeth rag sort, ha pollow dowr, ha'y skuba dhe-ves gans an skubell a gollva, yn-medh Arloedh an luyow.

Ysay 22:22

My a worr alhwedh chi Davydh war y skoedh; ev a iger ha nagonan ny dhege; ev a dhege ha nagonan ny iger.

Ysay 25:2

Ty re wrug an sita yn graghell, an kastell gans keryow yn magor. Nyns yw palys an estrenyon sita namoy; nevra ny vydh dastrehevys.

Yeremia 51:58

Yndellma y lever Arloedh an luyow: Fos ledan Babylon a vydh terrys dhe'n leur, ha'y yetow ughel a vydh leskys gans tan. An bobel a lavur rag travyth, ha'n kenedhlow a omskwith rag tan.

Yeremia 51:64

ha leverel, “Yndellma Babylon a sedh; ny vydh ow sevel namoy drefenn an anfeusi a dhrov warnedhi.” ’ Hemm yw diwedh geryow Yeremia.

Ezekiel 26:14

My a'th wra karrek lomm; ty a vydh tyller rag lesa roesow. Ny vydhydh nevra dastrehevys, rag my an Arloedh re gewsis, yn-medh an Arloedh Duw.

Malaki 1:4

Drefenn Edom dhe leverel, ‘Ni re beu brewys, mes ni a dhastrehav an magoryow’, yndellma y lever Arloedh an luyow: I a dhastrehav, mes my a wra diswul. Y fydhons henwys an Pow a Dhrog, ha'n pobel keredhys gans an Arloedh bys vykken.

Romanyon 11:32

Rag Duw re dhegeas oll yn diwostytter rag may tiskwettho tregeredh dhe beub.

Diskwedhyans 3:7

‘Ha dhe el an eglos yn Filadelfia skrif: An taklow ma a lever neb yw sans, neb yw gwir, neb a'n jeves alhwedh Davydh, neb a iger, ha denvyth ny dhege, ha degea ha denvyth ny iger:

1 Samuel 17:46

Y'n jydh hedhyw an Arloedh a wra dha dhelivra y'm leuv, ha my a'th wysk dhe'n leur ha treghi dhe-ves dha benn; ha my a re korfow marow lu an Filistysi y'n jydh hedhyw dhe ydhyn an ayr ha dhe vestes an dor, may hwodhvo oll an norvys bos Duw yn Ysrael,

1 Samuel 24:18

Y'n jydh hedhyw ty re dhiskwedhas fatell dhyghtsys genev yn ta; rag ny'm ledhsys pan y'm delivras an Arloedh a-berth y'th leuv.

1 Samuel 26:8

Ena Abishay a leveris dhe Davydh, ‘Duw re dhelivras dha eskar a-berth y'th leuv y'n jydh hedhyw; lemmyn rakhenna gas vy dh'y weskel dhe'n dor, my a'th pys, gans unn pych a'n guw; ny'n gwaskav diwweyth.’