Job 11:7 - An Bibel Kernewek 20234 (Kernewek Kemmyn)

⁷ ‘A yllydh hwithra an taklow down a Dhuw? A yllydh diskudha finweth an Ollgalloesek?

Job 11:7 ပူးပေါင်းရင်းမြစ်များ

Job 22:12

‘Yma Duw yn ughelder nev, hag ev a vir yn-nans war an ughella ster, mar ughel dell yns.

Job 26:14

Ha nyns yw an re ma marnas emlow y fordhow; hag ass yw isel an hwystrenn a glewyn anodho! Piw a yll konvedhes taran y nerth?’

Job 27:11

‘My a'gas dysk a-dro dhe leuv Duw; ny gudhav an pyth usi gans an Ollgalloesek.

Job 33:12

‘My a worthyp dhis, yn hemma nyns os ewn; rag brassa yw Duw ages mab-den.

Job 33:13

Prag y strivydh er y bynn, rag ny yll denvyth gorthybi dhe oll y eryow?

Job 35:5

Mir war-vann orth an nevow ha gwel; aspi orth an kommol yw ughella agesos.

Job 36:26

Ass yw Duw meur, dres agan konvedhes! Anhwiladow yw niver y vlydhynyow.

Job 37:23

An Ollgalloesek – ny yllyn y gavoes; meur yw y nerth, ha'y vreus, hag yn y wirvreus ha'y ewnder bras ny arwask ev.

Job 37:5

Duw a darenn yn fordhow marthys; ev a wra taklow bras dres agan konvedhes.

Job 42:3

“Piw yw hemma, neb a gudh kusul heb godhvos?” Yn sur my a gewsis a daklow na gonvedhis, taklow re vryntin ragov dh'aga godhvos.

Job 5:9

Ev a wra taklow meur hag anhwiladow, taklow bryntin heb niver.

Salmow 139:6

Re varthys ragov yw an skians na; re ughel yw, ny wonn drehedhes dhodho.

Salmow 145:3

Meur yw an Arloedh hag ev a dal bos gormelys yn fras, ha ny yllir hwithra y veuredh.

Salmow 77:19

Yma dha fordh y'n mor, ha'th hynsyow y'n dowrow meur; ha nyns yw olow dha dreys aswonnys.

Lavarow Koth 30:4

Piw a yskynnas dhe nev hag a dhiyskynnas? Piw a guntellas an gwyns yn palv y dhorn? Piw a vaylyas an dowrow yn dillasenn? Piw a fondyas oll pennow an norvys? Pyth yw y hanow, ha pyth yw hanow y vab? Yn sur, ty a woer!

Ekklesiastes 3:11

Duw re wrug pup-tra dhe vos teg yn y brys gwiw, mes ynwedh ev re worras konvedhes yn kolonn mebyon den a dermyn ow tremena trank heb worfenn, ma na allons i diskudha an ober a wrug Duw a-dhiworth an dalleth bys yn diwedh aga bewnans.

Ekklesiastes 7:24

An pyth a vo pell, ha down, pur dhown – piw a yll y gonvedhes?

Ysay 40:28

A ny wodhves, a ny glewsys? An Arloedh yw an Duw heb diwedh, Kreador pennow an norvys. Ny glamder na ny vydh skwith; dres hwithra yw y gonvedhes.

Matthew 11:27

Pup-tra oll a veu delivrys dhe'm charj gans ow Thas, ha denvyth ny aswonn an Mab saw an Tas, na ny aswonn denvyth an Tas saw an Mab ha neb may fynno an Mab y dhiskwedhes dhodho.

Romanyon 11:33

O, downder rychys Duw ha'y furneth ha'y wodhvos! Ass yw y vreus dres konvedhes, ha dres hwithra y fordhow!

1 Korinthianys 2:10

Duw re dhiskwedhas hemma dhyn ni der an Spyrys; rag an Spyrys a hwither pup-tra, ynwedh downderyow Duw.

1 Korinthianys 2:16

‘Rag piw re gonvedhas brys an Arloedh may hwrello y gevarwoedha?’ Mes ni a'gan beus brys Krist.

Efesianys 3:8

Dhymmo vy, yw le ages an lyha a'n syns oll, y feu res an ras ma dhe bregoth dhe'n Jentilys an rychys a Grist yw dres hwithra,