Job 10:7 - An Bibel Kernewek 20234 (Kernewek Kemmyn)

⁷ kyn hwodhes nag ov kablus, ha nyns eus denvyth dhe dhelivra yn-mes a'th leuv?

Job 10:7 ပူးပေါင်းရင်းမြစ်များ

Job 10:15

Mars ov kablus, go-vy! Mars ov gwiryon, ny allav drehevel ow fenn, drefenn ow bos lenwys a veth ha gwalghys a alar.

Job 11:4

Rag ty a lever, “Pur yw ow dyskas, ha glan ov yn dewlagas Duw.”

Job 13:18

Otta, my re bareusis ow has; my a woer y fydhav justifiys.

Job 23:10

Mes ev a aswonn ow fordh vy; mara'm proffa, gylsen vy yn-mes kepar hag owr.

Job 23:11

Ow throes re lenas fast orth y gammow; my re withas y fordh heb treylya a-denewen.

Job 27:22

ha hurlya er y bynn heb truedh; hag ev a fi dhe'n fo dhiworth y nerth.

Job 31:14

pandr'a wrav pan wra Duw sevel yn-bann? pandr'a worthybav pan y'm hwither?

Job 31:35

unnweyth a pe nebonan dhe'm klewes! Ottomma ow sinans! – re worthyppo dhymm an Ollgalloesek; re wrello ow kuhudhor skrifa ow kuhudhans!

Job 31:6

re biv poesys yn mantol a ewnder, hag ena Duw a woer ow bos divlam –

Job 32:1

Ytho an tri gour ma a astelas gorthybi, drefenn y vos gwiryon yn y dhewlagas y honan.

Job 33:9

“Pur ov, heb treuspass; glan ov, ha heb anewnder.

Job 40:8

A vynnydh diswul ow breus? A vynnydh ow dampnya rag ty dhe vos ewnhes?

Job 42:7

Wosa an Arloedh dhe leverel an taklow ma dhe Job ev a leveris dhe Elifaz an Temanyas: ‘Ow sorr re dhewis er dha bynn hag erbynn dha dhew goweth, drefenn na gewssowgh ahanav an pyth yw ewn, kepar dell wrug ow gwas Job.

Job 9:12

Awotta, ev a gib dhe-ves; piw a yll y lettya? Piw a yll leverel dhodho, “Pandr'a wredh?”

Job 9:21

Kynth ov divlam, ny wrav vri a'm honan; my a nagh ow bewnans.

Job 9:22

Yth yw an keth tra; rakhenna y lavarav, ev dhe dhistrui ha'n den divlam, ha'n tebelwas.

Salmow 1:6

rag an Arloedh a aswonn fordh an re wiryon, mes fordh an debeles a dhe goll.

Salmow 17:3

Ty re brovas ow holonn; ty re wrug vri ahanav y'n nos; ty re'm assayas ha ny gevsys sherewneth ynnov; ny vydh ow ganow ow pegha.

Salmow 50:22

‘Prederewgh hemma, hwi neb a ankev Duw, ma na wrylliv agas skwardya, ha na vo nagonan dhe dhelivra.

Salmow 7:3

A Arloedh ow Duw, mar kwrugavy hemma; mars eus sherewneth y'm diwleuv;

Ysay 43:13

Ynwedh alemma rag my yw ev; nyns eus denvyth a yll delivra dhiworth ow dorn; my a ober ha piw a yll y lettya?

Daniel 3:15

Lemmyn, mars owgh hwi parys orth an keth prys na pan glewowgh an korn, an pib, an gyttrens, an krowd, an sowtri, an pibow-sagh ha pub sort a venestrouthi, dhe goedha dhe'n leur ha gul gologhas dhe'n delow a wrug vy, da yw hemma: mes mar ny wrewgh gologhas, y fydhowgh tewlys an keth eur na yn kres fornes a dan ow flammya; ha py par duw ywa a'gas delirv mes a'm dorn?’

Hosea 2:10

Lemmyn my a wra diskudha hy meth a-rag dewlagas hy haroryon, ha nagonan ny's delirv dhiworth ow leuv.

Hosea 5:14

My a vydh avel lew dhe Efraym, hag avel lew yowynk dhe ji Yuda. My, my a wra skwardya ha mones; my a wra kemmeres, ha nagonan ny dhelirv.

Yowann 21:17

Y'n tressa treveth yn-medh ev dhodho, ‘Simon mab Yowann, es'ta jy orth ow hara vy?’ Peder a gemmeras duwon, rag ev dhe leverel dhodho y'n tressa treveth, ‘Es'ta jy orth ow hara vy?’ Yn-medh ev dhodho, ‘Arloedh, ty a woer pup-tra, ty a woer my dhe'th kara.’ Yn-medh ev dhodho, ‘Mag ow deves.

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

Dewteronomi 32:39

Gwelewgh lemmyn, my, my yw ev, ha nyns eus duw marnas vy. My a ladh, ha my a vewha; my a vrew ha my a yaghha, ha nyns eus nagonan a yll delivra dhiworth ow leuv.

1 Thessalonianys 2:10

Hwi yw testow, ha Duw ynwedh, fatell en ni sans ha gwiryon ha divlam dhywgh hwi neb a grys.

Yoshua 22:22

‘An Galloesek, Duw, an Arloedh, Duw an duwow! An Arloedh, ev a woer; ha re wodhvo Ysrael y honan! Mar pe hemma yn rebellyans po yn dislelder erbynn an Arloedh, na'n sparyewgh ni y'n jydh ma.