Job 10:1 - An Bibel Kernewek 20234 (Kernewek Kemmyn)

¹ ‘Kasadow yw ow bewnans dhymm; my a lever ow krodhvol yn rydh; my a gews yn hwerowder ow enev.

Job 10:1 ပူးပေါင်းရင်းမြစ်များ

1 Myghternedh 19:4

Mes ev y honan eth y'n gwylvos, vyaj unn jydh, ha dos hag esedha yn-dann brenn banadhel. Ev a bysis may farwa: ‘Lowr yw; lemmyn, A Arloedh, kemmer ow bewnans, rag nyns ov gwell ages ow thasow.’

Job 14:13

Unnweyth a kwrelles ow kudha yn ifarn, ow heles erna vo dha sorr tremenys, apoyntya termyn ragov ha perthi kov ahanav!

Job 19:4

Ha hwath mars yw gwir my dhe gammwul, ow hammwrians a bes genev vy ow honan.

Job 5:20

Yn divoetter ev a wra dha dhasprena dhiworth mernans, hag yn bresel dhiworth nerth an kledha.

Job 6:26

A dybowgh y hyllowgh keredhi ow geryow, ha bos kows den yn desper kepar ha gwyns?

Job 7:11

‘Rakhenna ny fronnav ow ganow; my a gews yn angoes ow spyrys; my a grodhvol yn hwerowder ow enev.

Job 7:16

Kasadow dhymm yw ow bewnans; ny vynnav bewa bys vykken. Gas vy ow honan, rag bos ow dydhyow anall.

Job 9:21

Kynth ov divlam, ny wrav vri a'm honan; my a nagh ow bewnans.

Ysay 38:15

Pandr'a lavarav? Ev re gewsis dhymm, hag ev y honan re'n gwrug. My a gerdh yn lent oll ow blydhynyow drefenn hwerowder ow enev.

Ysay 38:17

Otta rag les y feu dhymm hwerowder; mes ty re withas ow enev dhiworth an pytt a dhistruans, rag ty re dewlis oll ow feghosow a-dryv dha geyn.

Yona 4:3

Ytho lemmyn, A Arloedh, kemmer ow bewnans dhiworthiv, my a'th pys, rag gwell dhymm yw mernans es bewnans.’

Yona 4:8

Ha pan dhrehevis an howl, Duw a dhannvonas gwyns toemm dhiworth an howldrevel, ha'n howl a weskis war benn Yona, may klamderas. Hag ev a bysis may farwa, ow leverel, ‘Gwell dhymm yw merwel es bewa.’

Niverow 11:15

Mar mynnydh dyghtya genev yndellma, ladh vy distowgh, mar kevis gras y'th wolok, ma na welliv ow anfeus.’