Job 1:8 - An Bibel Kernewek 20234 (Kernewek Kemmyn)

⁸ An Arloedh a leveris dhe Satnas, ‘A bredersys a-dro dhe'm gwas Job? Nyns eus denvyth kepar hag ev war an norvys, gour divlam hag ewnhynsek, ow perthi own a Dhuw hag ow treylya dhiworth drog?’

Job 1:8 ပူးပေါင်းရင်းမြစ်များ

2 Myghternedh 23:25

Kyns ev, nyns esa myghtern kepar hag ev, neb a dreylyas dhe'n Arloedh a leun golonn, ha gans oll y enev, ha gans oll y nerth, herwydh oll lagha Moyses; ha ny sevis onan kepar hag ev a'y wosa.

Nehemia 5:15

Mes an governours kyns, re bia kyns ow thermyn vy, a settsa beghyow poes war an bobel ha kemmeres dhiworta dew-ugens shekel a arghans war-barth gans boes ha gwin. Aga servysi ynwedh a lordya war an bobel. Mes ny wrug vy yndella rag own Duw.

Job 1:1

Yth esa gour yn bro Us, Job y hanow, ha perfydh hag ewnhynsek o an gour na, hag yth esa dhodho own a Dhuw hag ev a dreylyas dhiworth drog.

Job 12:4

Skornys ov gans ow howetha; kyn helwis war Dhuw hag ev a worthybis, den skornys ov, ewn ha divlam.

Job 2:1

Yth esa dydh pan dheuth mebyon Duw rag sevel a-dherag an Arloedh, ha Satnas a dheuth yn aga mysk ynwedh rag sevel a-dherag an Arloedh.

Job 2:3

An Arloedh a leveris dhe Satnas, ‘A bredersys a-dro dhe'm gwas Job? Nyns eus denvyth kepar hag ev war an norvys, gour divlam hag ewnhynsek, ow perthi own a Dhuw hag ow treylya dhiworth drog. Ev a with y lander hwath yn fast, kynth ynnisys warnav y dhistrui heb kaws.’

Job 34:14

Mar treyllya y golonn dhodho y honan, ha kuntell dhodho y spyrys ha'y anall,

Job 8:20

‘Otta, ny skon Duw den divlam, na ny dhalghenn leuv drogoberoryon.

Salmow 18:23

Hag yth en vy divlam a-dheragdho, ha my a omwithas dhiworth ow hammweyth.

Salmow 34:14

Treyl dhiworth drog, ha gwra da; hwila kres, ha'y helghya.

Salmow 36:1

Kammweythres a gews dhe'n tebelwas a-bervedh yn y golonn nyns eus own Duw a-dherag y dhewlagas.

Salmow 37:27

Treyl dhiworth drog ha gwra da; ha trig y'n tir bys vykken.

Salmow 84:11

Rag an Arloedh Duw yw howl ha skoes; an Arloedh a re ras ha golewder, ha ny skon ev a ri dader vytholl dhe'n re a gerdh yn tivlam.

Salmow 89:20

My re gavas Davydh ow gwas; gans ow oyl sans my re'n untyas.

Lavarow Koth 8:13

Own an Arloedh yw kasa; goeth ha balghder ha'n fordh a dhroktra ha kows treus a gasav.

Ysay 1:16

Omwolghewgh, omlanhewgh; kemmerewgh agas drog wriansow yn-mes a'm gwel; hedhewgh a gammwul,

Ysay 42:1

Otta ow gwas neb a skoedhyav, ow den dewisys may lowenha ow enev ynno; my re worras ow Spyrys warnodho, ev a dheg gwirvreus yn-mes dhe'n kenedhlow.

Ezekiel 40:4

An gour a leveris dhymm, ‘Mab den, mir gans dha dhewlagas, ha klew gans dha dhiwskovarn, ha sett dha vrys war bup-tra a dhiskwedhav dhis; rag ty a veu dres omma rag may hallav y dhiskwedhes dhis. Deriv pup-tra a welydh dhe ji Ysrael.’

Niverow 12:3

Lemmyn an gour Moyses o pur glor, moy ages pub den oll war enep an nor.

Yowann 1:47

Yesu a welas Nathanael ow tos dhodho hag yn-medh ev anodho, ‘Awotta Ysraelyas yn hwir, ma nag eus ynno gil!’

Yoshua 1:2

‘Marow yw Moyses ow gwas. Sav lemmyn ha ke dres an Yordan ma, ty hag oll an bobel ma, dhe'n tir a rov dhedha, dhe'n Ysraelysi.

Yoshua 1:7

Mes bydh krev ha bydh pur golonnek, ow kwaytyas gul war-lergh oll an lagha a erghis Moyses ow gwas dhis; na dreyl dhiworti dhe'n barth dhyghow na dhe'n barth kledh, rag bos sewena dhis plepynag yth edh.