Job 1:7 - An Bibel Kernewek 20234 (Kernewek Kemmyn)

⁷ An Arloedh a leveris dhe Satnas, ‘A-ble osta devedhys?’ Satnas a worthybis dhe'n Arloedh, ‘A-dhiworth gwandra omma hag ena war an norvys, hag a-dhiworth kerdhes a-dro warnodho.’

Job 1:7 ပူးပေါင်းရင်းမြစ်များ

2 Myghternedh 5:25

Ev eth a-ji ha sevel a-rag y vester; hag Elisha a leveris dhodho, ‘A-ble osta devedhys, Gehazi?’ Yn-medh ev, ‘Nyns eth dha was neb tyller vytholl.’

Job 2:2

An Arloedh a leveris dhe Satnas, ‘A-ble osta devedhys?’ Satnas a worthybis dhe'n Arloedh, ‘A-dhiworth gwandra omma hag ena war an norvys, hag a-dhiworth kerdhes a-dro warnodho.’

Zekaria 6:7

Pan eth an vergh nerthek yn-mes, i a vynnas gwandra der an norvys. Hag ev a leveris, ‘Kewgh dhe wandra der an norvys!’ Ytho i a wandras der an norvys.

Matthew 12:43

‘Peskweyth mayth ello spyrys avlan yn-mes a dhen, ev a dremen dre dylleryow sygh ow hwilas powesva ha ny's kyv.

1 Peder 5:8

Bedhewgh sad, bedhewgh hewoel. Agas eskar an jowl, kepar ha lew owth usa, a gerdh a-dro, ow hwilas nebonan dhe dhevorya.

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 20:8

Hag ev a wra mos yn-mes dhe doella an kenedhlow usi yn peswar sorn an norvys, Gog ha Magog, rag aga huntell war-barth dhe'n gas; ha'ga niver yw kepar ha tewes an mor.