Job 1:5 - An Bibel Kernewek 20234 (Kernewek Kemmyn)

⁵ Ha pan dho kylgh an kevewi dhe benn, Job a dhannvona ha'ga sakra, hag ev a sevi myttin a-varr hag offra offrynnow leskys herwydh an niver anedha oll, rag Job a leveri, ‘Martesen ow mebyon re beghas ha milliga Duw yn aga holonn.’ Yndella y hwre Job prest.

Job 1:5 ပူးပေါင်းရင်းမြစ်များ

Jenesis 22:3

Hag Abraham a sevis yn-bann ternos a-varr, ha dibra y asen, ha kemmeres dew a'y wer yowynk ganso hag Ysak y vab, ha treghi an keunys rag an offrynn leskys, ha sevel ha mos dhe'n tyller a leveris Duw dhodho.

Jenesis 6:5

Ha'n Arloedh a welas bos droktra mab-den bras war an nor ha nag o pub mynnas a dybyansow y golonn marnas drog pub dydh oll.

Jenesis 8:20

Ha Noy a dhrehevis alter dhe'n Arloedh ha kemmeres rann a'n bestes glan ha'n ydhyn glan hag offrynna offrynnow leskys war an alter.

1 Myghternedh 18:31

Elias a gemmeras dewdhek men, herwydh niver loethow mebyon Yakob, may teuth dhedha ger an Arloedh, ow leverel, ‘Ysrael a vydh dha hanow’.

1 Myghternedh 21:10

settyewgh dew vilen a-dal dhodho dhe dhustunia er y bynn, ow leverel, “Ty re vollethis Duw ha'n myghtern.” Ena degewgh e yn-mes, ha'y labydha bys y'n mernans.’

1 Myghternedh 21:13

An dhew vilen a dheuth a-ji hag esedha a-dal dhodho; ha'n vilens a dhustunias erbynn Naboth yn lok an bobel, ow leverel, ‘Naboth a vollethis Duw ha'n myghtern.’ Ytho i a'n dug yn-mes a'n sita ha'y labydha bys y'n mernans.

Nehemia 12:30

Ha'n oferysi ha'n Levysi a omlanhas aga honan; hag i a lanhas an bobel ha'n yetow ha'n fos.

Job 1:11

Mes ystynn dha leuv lemmyn, ha tochya pup-tra oll a'n jeves, hag ev a wra dha villiga y'th fas.’

Job 1:4

Y vebyon e ha synsi kevewi yn chi pub huni anedha yn y jydh, hag i a dhannvona ha gelwel aga theyr hwoer dhe dhybri ha dhe eva gansa.

Job 2:9

Ena y wreg a leveris dhodho, ‘A withydh hwath yn fast dha lander? Millik Duw ha marw.’

Job 27:10

A wra ev kavoes delit y'n Ollgalloesek? A wra ev pysi Duw pup-prys?

Job 41:25

Pan sev ev, ownek yw an duwow; i a gildenn rag own.

Job 42:8

Rakhenna kemmerewgh lemmyn dhywgh seyth tarow ha seyth hordh ha mos dhe'm gwas Job hag offrynna ragowgh offrynn leskys, ha'm gwas Job a bys ragowgh ha my a dhegemmer y bysadow, ha ny'gas dyghtyav herwydh agas follenep; rag ny gewssowgh ahanav an pyth yw ewn, kepar dell wrug ow gwas Job.’

Job 6:14

‘Neb a skon a ri tregeredh dh'y goweth a forsak own a'n Ollgalloesek.

Job 8:4

Mar peghas dha fleghes er y bynn, ev a's delivras yn galloes aga hammweythres.

Salmow 5:3

A Arloedh, y'n myttin ty a glew ow lev; y'n myttin my a orden ow fysadow orthis, ha goelyas.

Eksodus 18:12

Ha Yethro, hwegron Moyses, a offrynnas offrynn leskys ha sakrifisow dhe Dhuw, hag Aron a dheuth gans oll an henavogyon a Ysrael dhe dhybri bara gans hwegron Moyses a-rag Duw.

Eksodus 19:10

Ha'n Arloedh a leveris dhe Moyses, ‘Ke dhe'n bobel ha'ga sakra hedhyw hag a-vorow, ha gas dhedha golghi aga dillas,

Eksodus 24:5

Hag ev a dhannvonas gwer yowynk a vebyon Ysrael, neb a offrynnas offrynnow leskys ha sakrifia offrynnow kres a lodhnow dhe'n Arloedh.

Ekklesiastes 9:10

Pypynag a gyv dha leuv dh'y wul, gwra e gans oll dha nerth, rag nyns eus nag ober na resna na godhvos na furneth yn ifarn le mayth edh.

Yeremia 4:14

A Yerusalem, golgh dha golonn a-dhiworth drogedh, may fi selwys. Pes termyn y hwra dha brederow koeg godriga genes?

Ezekiel 14:14

hwath kyn fe an tri gour ma ynno, Noy, Daniel, ha Job, ny allsens delivra marnas aga enevow aga honan der aga gwiryonedh, yn-medh an Arloedh Duw.

Luk 1:75

yn sansoleth hag ewnder a-dheragdho oll dydhyow agan bewnans.

Luk 18:7

A ny wra Duw gwirvreus rag y dus dhewisys a gri warnodho dydh ha nos; a vydh ev lent ow kweres dhedha?

Yowann 11:55

Ha pask an Yedhewon o ogas, ha lies eth yn-bann dhiworth an pow kyns an pask, dhe omlanhe.

Oberow 21:26

Ena Powl a gemmeras an wer, ha ternos pan re bia purhes, ev hag i war-barth, ev eth y'n tempel, dhe ri avisyans pan vedha an dydhyow a lanheans kowlwrys, ha'n offrynn gwrys a-barth pub huni anedha.

Oberow 8:22

Kemmer edrek, ytho, a'n sherewynsi usi dhis, ha pys war an Arloedh may fo gevys dhis, mar kyll bos, mynnas dha golonn.

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.

2 Korinthianys 11:2

Avi a'm beus ragowgh, gans avi Duw, drefenn my dh'agas dedhewi dhe unn gour, rag agas profya avel gwyrghes pur dhe Grist,

Efesianys 6:18

Dre bub pysadow ha govenek, pysewgh pub eur oll y'n Spyrys; ha dhe'n porpos na, bedhewgh hewoel gans pub diwysykter ha pysadow rag oll an syns,

1 Samuel 16:5

Hag yn-medh ev, ‘Yn kres; my re dheuth dhe sakrifia dhe'n Arloedh; omsakrewgh ha dewgh genev dhe'n sakrifis.’ Hag ev a sakras Yesse ha'y vebyon ha'ga gelwel dhe'n sakrifis.