Job 1:20 - An Bibel Kernewek 20234 (Kernewek Kemmyn)

²⁰ Ena Job a sevis ha skwardya y bows, ha treghi gols y benn ha koedha war an dor ha gordhya.

Job 1:20 ပူးပေါင်းရင်းမြစ်များ

Jenesis 37:29

Ena Rewben a dhehwelis dhe'n puth, hag otta, nyns esa Yosep y'n puth hag ev a skwardyas y dhillas

Jenesis 37:34

Ena Yakob a skwardyas y dhillas ha gorra yskar a-dro dh'y dhiwglun, ha kyni rag y vab lies dydh.

2 Myghternedh 2:12

Elisha a welas henna hag ev a armas, ‘Ow thas! Ow thas! Charett Ysrael ha'y varghogyon’. Ha ny'n gwelas na fella. Ev a dhalghennas y dhillas y honan ha'ga skwardya yntra dew.

2 Kroniklys 7:3

Pan welas oll mebyon Ysrael an tan ow tiyskynna ha glori an Arloedh war an tempel, i a omblegyas war an leur ha'ga fas dhe'n dor, hag a wordhyas hag a ros grasow dhe'n Arloedh ow leverel, ‘Rag ev yw da, rag y dregeredh a dhur bys vykken.’

Ezra 9:3

Ha pan glewis vy an dra ma, my a skwardyas ow dillas ha'm mantell, ha tenna yn-mes blew ow fenn hag ow barv, hag esedha dyegrys.

Job 1:19

hag otta, gwyns meur a dheuth dhiworth an difeythtir, ha gweskel peswar korn an chi, hag ev a goedhas war an dus yowynk, ha marow yns, ha my ow honan re dhienkas rag leverel dhis.’

Job 2:12

Ha pan y'n gwelsons a-dhiworth pell, ny'n aswonnis hag i a ughelhas aga lev hag oela, hag i a skwardyas aga fows ha skattra doust war aga fenn troha nev.

Eksodus 4:31

Ha'n bobel a grysis; ha pan glewsons an Arloedh dhe wul vri a vebyon Ysrael ha gweles aga galar, i a omblegyas ha gordhya.

Yeremia 7:29

Trogh dha wols, ha'y dewlel dhe-ves, drehav kynvann war an ugheldiryow moel, rag an Arloedh re naghas ha forsakya henedh y gonnar.

Yoel 2:13

Skwardyewgh agas kolonn, a-der agas dillas, ha treylyewgh arta dhe'n Arloedh agas Duw, rag grassyes ha truedhek yw, lent ow serri, ha meur y dregeredh, hag ev a gemmer edrek a'n drog.

Matthew 26:39

Hag ow mones nebes yn-rag, ev a goedhas war y fas ha pysi ow leverel, ‘Ow Thas, mara kyll henna bos, tremenes an hanaf ma dhiworthiv; mes na vo henna herwydh ow bodh vy saw dha vodh tejy.’

Dewteronomi 9:18

Ena my a goedhas dhe'n dor a-rag an Arloedh avel kyns, dewgens dydh ha dewgens nos; ny dhybris bara nag eva dowr, rag oll agas pegh a beghsowgh, ow kul drog a-wel an Arloedh, dh'y brovokya dhe sorr.

Yoshua 7:6

Yoshua a skwardyas y vantell ha koedha dhe'n dor war y fas a-dherag argh Arloedh bys y'n gorthugher, ev ha henavogyon Ysrael; i a dewlis doust war aga fenn.

1 Peder 5:6

Omuvelhewgh ytho yn-dann leuv alloesek Duw, rag ma'gas ughelhaho y'n termyn gwiw,