Job 1:11 - An Bibel Kernewek 20234 (Kernewek Kemmyn)

¹¹ Mes ystynn dha leuv lemmyn, ha tochya pup-tra oll a'n jeves, hag ev a wra dha villiga y'th fas.’

Job 1:11 ပူးပေါင်းရင်းမြစ်များ

Jenesis 26:11

Hag Abimelek a erghis dhe oll an bobel, ow leverel, ‘Neb a arvedh an gour ma po y wreg a wra merwel.’

Job 1:12

Yn-medh an Arloedh dhe Satnas, ‘Otta, yma pup-tra oll a'n jeves y'th halloes, saw warnodho y honan na ystynn dha leuv.’ Ytho Satnas eth yn-rag mes a wel a'n Arloedh.

Job 1:21

Hag ev a leveris, ‘Noeth y teuth vy dhiworth torr ow mamm, ha noeth y tehwelav ena; an Arloedh a ros, ha'n Arloedh re gemmeras dhe-ves; benniges re bo hanow an Arloedh.’

Job 1:5

Ha pan dho kylgh an kevewi dhe benn, Job a dhannvona ha'ga sakra, hag ev a sevi myttin a-varr hag offra offrynnow leskys herwydh an niver anedha oll, rag Job a leveri, ‘Martesen ow mebyon re beghas ha milliga Duw yn aga holonn.’ Yndella y hwre Job prest.

Job 19:21

Kemmerewgh pita orthiv, kemmerewgh pita orthiv, hwi ow howetha; rag leuv Duw re'm tochyas.

Job 2:3

An Arloedh a leveris dhe Satnas, ‘A bredersys a-dro dhe'm gwas Job? Nyns eus denvyth kepar hag ev war an norvys, gour divlam hag ewnhynsek, ow perthi own a Dhuw hag ow treylya dhiworth drog. Ev a with y lander hwath yn fast, kynth ynnisys warnav y dhistrui heb kaws.’

Job 2:5

Mes ystynn dha leuv lemmyn, ha toch y askorn ha'y gig, hag ev a'th villik dhe'th fas.’

Job 2:6

An Arloedh a leveris dhe Satnas, ‘Otta, yma ev y'th halloes, saw spar y vewnans.’

Job 2:7

Ytho Satnas eth yn-rag yn-mes a wel a'n Arloedh, ha plagya Job gans gwennennow kasadow dhiworth godhen y droes bys yn gwartha y benn.

Job 2:9

Ena y wreg a leveris dhodho, ‘A withydh hwath yn fast dha lander? Millik Duw ha marw.’

Job 4:5

Mes lemmyn ev re dheuth dhis, ha heb perthyans os; ev a'th toch, ha penndegys os.

Salmow 105:15

‘Na dochyewgh an re untys genev, ha na bystigewgh ow frofoesi.’

Ysay 5:25

Rakhenna sorr an Arloedh a dhew erbynn y bobel, hag ev a ystynn y leuv er hy fynn ha'y gweskel. An menydhyow a gren, ha'ga horfow yw avel atal yn kres an stretys. Yn despit dhe oll hemma, ny dreyl y sorr dhe-ves, ha'y leuv yw hwath ystynnys.

Ysay 65:3

pobel usi orth ow frovokya dhe sorr dhe'm fas heb hedhi, usi prest ow sakrifia y'n lowarthyow hag ow leski offrynnow war alteryow brykkys;

Ysay 8:21

Ev a dremen der an tir, duwenik ha nownek; ha rag bos dhedha nown, i a vydh serrys, hag ow mires war-vann i a volleth aga myghtern ha'ga Duw;

Zekaria 2:8

Rag yndellma y leveris Arloedh an luyow, wosa y wolewder dhe'm dannvon dhe'n kenedhlow a wrug agas pylla; rag piwpynag a wrello agas tochya a doch bew y lagas.

Diskwedhyans 12:10

Ha my a glewas lev ughel yn nev ow leverel, ‘Lemmyn selwyans, ha nerth, ha gwlaskor agan Duw yw devedhys, ha galloes y Grist: rag bos kuhudhor agan breder tewlys yn-nans, neb a's kuhudhas dydh ha nos a-dherag agan Duw.

Diskwedhyans 16:11

Hag i a vlasfemyas Duw nev drefenn aga faynys ha'ga podredhes, ha ny gemmersons edrek a'ga gwriansow.

Diskwedhyans 16:21

Ha keserennow mar vras avel kanspoes a goedhas a'n nev war dus, ha tus a vlasfemyas Duw drefenn pla an keser, rag bos y bla meur dres eghenn.

Diskwedhyans 16:9

Ha tus a veu leskys dre doemmder bras, hag i a vlasfemyas hanow Duw neb a'n jeves galloes war an plaow ma, ha ny gemmersons edrek dhe ri gordhyans dhodho.