Job 1:10 - An Bibel Kernewek 20234 (Kernewek Kemmyn)

¹⁰ A ny worrsys ke a-dro dhodho ha dh'y ji ha dhe bup-tra a'n jeves, orth pub tu? Ty re vennigas ober y dhiwleuv, ha'y jatel re gressyas y'n pow.

Job 1:10 ပူးပေါင်းရင်းမြစ်များ

Jenesis 15:1

Wosa an taklow ma, ger an Arloedh a dheuth dhe Abram yn gwelesigeth, ow leverel, ‘Na borth own, Abram, my yw dha skoes, dha wober pur vras.’

Jenesis 26:12

Hag Ysak a hasas has y'n pow na ha kavoes kansplek y'n vlydhen na, ha'n Arloedh a'n bennigas.

Jenesis 30:30

rag yth esa boghes genes kyns my dhe dhos, mes ynkressys yw yn feur, ha'n Arloedh re wrug dha venniga plepynag y feuv. Mes lemmyn, p'eur hwrav vy provia rag ow chi ow honan ynwedh?’

Jenesis 30:43

Ha rychys an gour a gressyas dres eghenn, hag yth esa dhodho flokkys bras, ha maghtethyon ha kethyon, ha kowrvergh hag asenes.

Jenesis 39:5

A-dhia'n termyn may hwrug ev y apoyntya war y ji ha war bup-tra esa dhodho, an Arloedh a vennigas chi an Ejyptyan drefenn Yosep; hag yth esa bennath an Arloedh war bup-tra esa dhodho y'n chi hag y'n gwel.

Jenesis 49:25

dre Dhuw dha das neb a'th weres, ha'n Ollgalloesek neb a'th vennik, gans bennathow an nevow a-vann, bennathow an downder a wrowedh war-nans, bennathow diwvronn ha torr.

Job 1:3

Ev a'n jevo seyth mil dhavas, tri mil gowrvargh, pymp kans kopel a oghen, ha pymp kans asen benow ha palster a servysi, mayth o an gour ma an brassa yn mysk oll tus an Est.

Job 29:2

‘A pen vy kepar hag y'n misyow tremenys, kepar hag y'n dydhyow pan witha Duw warnav,

Job 29:6

pan o ow hammow golghys gans leth, ha'n garrek a dhevera ragov goverow a oyl!

Job 31:25

mar lowenhis drefenn bos meur ow golusogneth, po drefenn ow leuv dhe waynya meur;

Job 42:12

An Arloedh a vennigas an rann dhiwedhes a vewnans Job moy ages an kynsa. Yth esa dhodho peswardhek mil dhavas, hwegh mil gowrvargh, mil yew a oghen, ha mil asen.

Salmow 107:38

Hag ev a's bennik, mayth ynkressyons yn fras, ha ny as aga gwarthek dhe lehe.

Salmow 34:7

El an Arloedh a gamp a-dro dhe'n re a berth own anodho hag ev a's delirv.

Salmow 5:12

Rag ty, A Arloedh, a vennik an den gwiryon; ty a'n kudh gans favour kepar ha gans skoes.

Salmow 71:21

Ty a voghha ow enor, ha'm hebaskhe arta.

Salmow 80:12

Ytho prag y terrsys y geow, may kemmer oll an dremenysi y rappys?

Salmow 90:17

Ha bedhes favour an Arloedh agan Duw warnan ni, ha fast ober agan diwleuv warnan, fast ober agan diwleuv.

Lavarow Koth 10:22

Bennath an Arloedh a wra den rych, ha ny geworr tristans gans henna.

Ysay 5:2

Ev a's palas, ha kuntell an meyn yn-mes anedhi, ha plansa ynni an gwella gwinbrennyer. Ev a dhrehevis tour y'n kres anedhi, hag ynwedh ev a droghas gwinwask ynni. Ev a waytyas grappys dhe vos gwrys, mes y hwrug grappys trenk.

Ysay 5:5

Lemmyn my a dheriv dhywgh an pyth a wrav rag ow gwinlann: my a gemmer dhe-ves an ke ha hi a vydh peurva; my a wra aswa yn hy fos ha hi a vydh tir trettys.

Zekaria 2:5

My a vydh fos tan a-dro, yn-medh an Arloedh, ha my a vydh golewder a-bervedh ynni.’

Zekaria 2:8

Rag yndellma y leveris Arloedh an luyow, wosa y wolewder dhe'm dannvon dhe'n kenedhlow a wrug agas pylla; rag piwpynag a wrello agas tochya a doch bew y lagas.

Dewteronomi 33:11

Bennik, Arloedh, oll y nerth ha bydh pes da a ober y dhiwla. Brew diwglun an re a sev er y bynn, ha'n re a'n kas, ma na saffons arta.

Dewteronomi 33:27

Duw heb diwedh yw skovva, hag a-woeles yma an breghow heb diwedh. Ev a fes an eskar a-ragos, hag ev a lever, ‘Distru!’

Dewteronomi 7:13

Ev a'th kar ha'th venniga hag ynkressya dha niver. Hag ev a vennik frut dha gorf, ha frut dha dir, dha ys ha'th win ha'th olew, leughi dha jatel, hag eyn dha flokk war an tir a dos dhe'th tasow dhe ri dhis.

1 Peder 1:5

neb yw gwithys dre alloes Duw dre fydh dhe selwyans parys dhe vos diskwedhys y'n termyn diwettha.

1 Samuel 25:16

i o fos dhyn nos ha dydh, oll an termyn mayth esen gansa ow kwitha an deves.