Jenesis 50:25 - An Bibel Kernewek 20234 (Kernewek Kemmyn)

²⁵ Ha Yosep a wrug dhe vebyon Ysrael gul ti, ow leverel, ‘Sur yw, y fydh Duw orth agas visitya, ha hwi a dheg ow eskern yn-bann alemma.’

Jenesis 50:25 ပူးပေါင်းရင်းမြစ်များ

Jenesis 50:5

“Ow thas a wrug dhymm gul ti, ow leverel, Otta, yth esov ow merwel. Ty a wra ow ynkleudhyas y'm bedh a wrug vy y gleudhya ragov yn pow Kanan.” Ytho lemmyn, gas vy dhe vos yn-bann, my a'th pys, hag ynkleudhyas ow thas, ha dehweles.’

Eksodus 13:18

Mes Duw a hembronkas an bobel a-dro dre fordh an gwylvos troha'n Mor Rudh. Ha mebyon Ysrael eth yn-mes a bow Ejyp pareusys arayys rag kas.

Eksodus 13:19

Ha Moyses a gemmeras ganso eskern Yosep; rag Yosep re wrussa dhe vebyon Ysrael gul ti, ow leverel, ‘Duw yn sur a wra agas visitya; ha hwi a dal doen ow eskern genowgh alemma.’

Eksodus 3:17

hag ambosa a wrav agas dri yn-bann yn-mes a galar Ejyp dhe bow an Kananysi, an Hittysi, an Amorysi, an Perizzysi, an Hivysi ha'n Yebusysi, tir a dhinwa leth ha mel.”

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Oberow 7:16

hag a veu degys dhe Shekem ha gorrys y'n bedh a brenas Abraham a bris arghans dhiworth mebyon Hamor yn Shekem.

Ebrowyon 11:22

Dre fydh Yosep, ow merwel, a borthas kov a-dro dhe dhibarth fleghes Ysrael hag a ros arghadow a-dro dh'y eskern.

Yoshua 24:32

Eskern Yosep, a wrug an Ysraelysi aga dri yn-bann yn-mes a Ejyp, i a ynkleudhyas yn Shekem, yn splatt an tir a wrug Yakob y brena gans kans bath a vona; ev a dheuth ha bos eretons dhe vebyon Yosep.

Ruth 1:6

Ha hi a sevis ha dehweles a diredh Moab, ha'y gohydhow gensi, drefenn hi dhe glewes yn tiredh Moab an Arloedh dhe wul vri a'y bobel, ow ri dhedha bara.