Jenesis 49:33 - An Bibel Kernewek 20234 (Kernewek Kemmyn)

³³ Ha Yakob a worfennas erghi dh'y vebyon ha tenna yn-bann y dreys a-berth yn y weli, hag anella y dhiwettha anall. Hag ev a veu kuntelles dh'y bobel.

Jenesis 49:33 ပူးပေါင်းရင်းမြစ်များ

Jenesis 15:5

Hag ev a'n dros mes a-ji ha leverel, ‘Mir lemmyn troha'n nev ha reken niver an ster, mar kyllydh aga nivera.’ Hag yn-medh ev dhodho, ‘Yndella y fydh dha has.’

Jenesis 25:17

Ha'n re ma yw blydhynyow bewnans Yshmael: seytek bloedh ha hwegh-ugens. Ev a dremenas hag a verwis hag a veu kuntellys dh'y bobel,

Jenesis 25:8

Ena Abraham a dremenas hag a verwis yn kothni dha, den koth, leun a vlydhynyow, hag y feu kuntellys dh'y bobel.

Jenesis 35:29

Hag Ysak a dremenas hag a verwis, hag a veu kuntellys dh'y bobel, leun a dhydhyow; ha'y vebyon Esaw ha Yakob a'n ynkleudhyas.

Jenesis 49:1

Ena Yakob a elwis y vebyon ha leverel, ‘Omguntellewgh war-barth, may hwrylliv derivas dhywgh an pyth a hwyrvydh dhywgh y'n dydhyow a dheu.

Jenesis 49:29

Ena ev a erghis dhedha, ow leverel dhedha, ‘My a vydh kuntellys war-barth gans ow fobel. Gwrewgh ow ynkleudhyas gans ow thasow y'n kav yn gwel Efron an Hittyas,

Jenesis 49:32

An gwel ha'n kav ynno a veu prenys dhiworth mebyon Heth.’

Jenesis 50:1

Ena Yosep a goedhas war fas y das, hag oela warnodho, hag amma dhodho.

2 Myghternedh 13:14

Pan eth Elisha yn klav gans an kleves may ferwis anodho, Yehoash myghtern Ysrael a dheuth yn-nans dhodho hag oela a-ragdho, ha leverel, ‘A ow thas, ow thas! Charett Ysrael ha'y varghogyon!’

2 Myghternedh 13:20

Elisha a verwis hag i a'n ynkleudhyas. Bagasow a Moabysi a wre omsettyansow war an tir orth dalleth an vlydhen.

Job 14:10

Mes gour a verow ha difygya; dhe wir, den a anell y dhiwettha anall ha ple'ma ev?

Job 30:23

My a woer ty dhe'm dri dhe'n mernans, ha dhe'n chi apoyntys rag pub den bew.

Job 5:26

Ty a dheu dhe'th vedh yn dha gothni, kepar dell dheu garr a reunenn war-vann yn hy seson.

Ekklesiastes 12:7

ha'n doust a dhehwel dhe'n dor kepar dell o, ha'n spyrys a dhehwel dhe Dhuw neb a'n ros.

Luk 2:29

‘Lemmyn, ty a as dha was dhe omdenna, A Arloedh, herwydh dha er yn kres;

Oberow 7:15

Ytho Yakob eth yn-nans dhe Ejyp, hag ev ha'gan tasow a verwis,

Ebrowyon 11:22

Dre fydh Yosep, ow merwel, a borthas kov a-dro dhe dhibarth fleghes Ysrael hag a ros arghadow a-dro dh'y eskern.

Ebrowyon 12:23

ha dhe eglos an re gynsa-genys omrolys yn nev, ha dhe Dhuw, an breusydh a bup-tra, ha dhe spyrysyon tus ewnhynsek gwrys perfydh,