Jenesis 49:29 - An Bibel Kernewek 20234 (Kernewek Kemmyn)

²⁹ Ena ev a erghis dhedha, ow leverel dhedha, ‘My a vydh kuntellys war-barth gans ow fobel. Gwrewgh ow ynkleudhyas gans ow thasow y'n kav yn gwel Efron an Hittyas,

Jenesis 49:29 ပူးပေါင်းရင်းမြစ်များ

Jenesis 15:15

Ha ty a wra mos dhe'th tasow yn kres, ha bos ynkleudhys yn kothni dha.

Jenesis 23:16

Hag Abraham a woslowas orth Efron, hag Abraham a boesas dhe Efron an arghans re lavarsa yn klewans mebyon Heth, peswar shekel a arghans war-lergh usadow an varchons.

Jenesis 23:17

Ytho park Efron a veu statyes, esa yn Makpela a-dal Mamre: an park ha'n kav esa ynno hag oll an gwydh esa y'n park yn oll an emlow a-dro,

Jenesis 23:20

Ha'n park ha'n kav usi ynno a veu statyes dhe Abraham gans mebyon Heth avel perghennogeth rag ynkleudhva.

Jenesis 23:9

may rollo dhymm kav Makpela usi dhodho, orth penn y bark. Re wrello y ri dhymm orth pris leun yn agas mysk, avel perghennogeth rag ynkleudhva.’

Jenesis 35:27

Ha Yakob a dheuth dhe Ysak y das, dhe Mamre, Kiryath-arba, henn yw Hebron, le may feu Abraham hag Ysak trigys avel alyons.

Jenesis 35:29

Hag Ysak a dremenas hag a verwis, hag a veu kuntellys dh'y bobel, leun a dhydhyow; ha'y vebyon Esaw ha Yakob a'n ynkleudhyas.

Jenesis 47:30

My a vynn growedha gans ow thasow. Dog vy yn-bann mes a Ejyp ha'm ynkleudhyas yn aga bedh i.’ Hag ev a leveris, ‘My a wra war-lergh dha er.’

Jenesis 49:28

Oll an re ma yw dewdhek loeth Ysrael, ha hemm yw an pyth a leveris aga thas dhedha pan wrug ev aga benniga; ev a's bennigas pubonan war-lergh y vennath y honan.

Jenesis 49:33

Ha Yakob a worfennas erghi dh'y vebyon ha tenna yn-bann y dreys a-berth yn y weli, hag anella y dhiwettha anall. Hag ev a veu kuntelles dh'y bobel.

Jenesis 50:12

Ytho y vebyon a wrug ragdho par dell wrussa erghi dhedha.

Jenesis 50:13

Ha'y vebyon a'n dug yn-bann dhe bow Kanan, ha'y ynkleudhyas yn kav gwel Makpela a wrug Abraham y brena gans an gwel avel perghennogeth rag ynkleudhva, dhiworth Efron an Hittyas, a-dherag Mamre.

2 Samuel 19:37

My a'th pys, gas dha was dhe dreylya dhe-dre, may hallav merwel a-ji dhe'm sita ow honan, nes dhe vedh ow thas ha mamm. Mes awotta dha was Kimham; gas ev dhe dreusi gans ow arloedh an myghtern; ha gul ragdho pypynag a hevel da y'th tewlagas.’

Ebrowyon 12:23

ha dhe eglos an re gynsa-genys omrolys yn nev, ha dhe Dhuw, an breusydh a bup-tra, ha dhe spyrysyon tus ewnhynsek gwrys perfydh,