Jenesis 47:7 - An Bibel Kernewek 20234 (Kernewek Kemmyn)

⁷ Ha Yosep a dhros Yakob y das ha'y worra dhe sevel dherag Faro, ha Yakob a vennigas Faro.

Jenesis 47:7 ပူးပေါင်းရင်းမြစ်များ

Jenesis 14:19

Hag ev a'n bennigas ha leverel, ‘Benniges re bo Abram gans Duw Ughella, Gwrier nev ha nor.

Jenesis 35:27

Ha Yakob a dheuth dhe Ysak y das, dhe Mamre, Kiryath-arba, henn yw Hebron, le may feu Abraham hag Ysak trigys avel alyons.

Jenesis 47:10

Ha Yakob a vennigas Faro ha mos yn-mes dhiworth Faro.

Jenesis 47:8

Yn-medh Faro dhe Yakob, ‘Py lies bloedh yw dha vewnans?’

2 Samuel 14:22

Yoab a goedhas war y fas dhe'n dor hag omblegya, ha benniga an myghtern; hag yn-medh Yoab, ‘Hedhyw dha was a woer my dhe gavoes gras y'th wolok, ow arloedh, A vyghtern, drefenn an myghtern dhe wrontya govynnadow y was.’

2 Samuel 19:39

Ytho oll an bobel a dreusis dres an Yordan, ha'n myghtern a dreusis; an myghtern a ammas dhe Barzillay ha'y venniga, hag ev a dhehwelis dh'y ji.

2 Samuel 8:10

Toi a dhannvonas y vab Yoram dhe Davydh, dh'y salusi ha'y venniga, drefenn ev dhe omladh erbynn Hadadezer ha'y fetha; rag Hadadezer re werrsa gans Toi. Yoram a dhros ganso lestri a arghans, ha lestri a owr, ha lestri a vrons;

1 Myghternedh 1:47

Kekeffrys gwesyon an myghtern a dheuth rag benniga agan arloedh myghtern Davydh, ow leverel, “Re wrello Duw hanow Solomon gwell ages dha hanow jy, ha'y dron brassa ages dha dron jy.” Ena an myghtern a omblegyas yn gordhyans war an gweli.

1 Myghternedh 8:66

Y'n ethves dydh ev a dhannvonas an bobel dhe-ves; hag i a vennigas an myghtern, ha mos dh'aga thyldow, lowenek hag yn spyrys da drefenn an dader oll a dhiskwedhas an Arloedh dh'y was Davydh ha dh'y bobel Ysrael.

2 Myghternedh 4:29

Ena ev a leveris dhe Gehazi, ‘Grogys dha dhiwglun, ha kemmer ow lorgh yn dha dhorn, ha ke. Mar metydh orth nebonan, na'n salus, ha mar kwra nebonan dha salusi, na worthyp dhodho; ha gorr ow lorgh war fas an flogh.’

Eksodus 12:32

Kemmerewgh agas greow ha'gas oghen, dell leversowgh, ha kewgh dhe-ves; ha bennigewgh vy ynwedh!’

Matthew 26:26

Ha pan esens ow tybri, Yesu a gemmeras bara hag a'n bennigas hag a'n torras ha'y ri dhe'n dhyskyblon, ow leverel, ‘Kemmerewgh, dybrewgh, hemm yw ow horf.’

Luk 22:19

Ena ev a gemmeras bara, hag a rassas ha'y derri ha'y ri dhedha, ow leverel, ‘Hemm yw ow horf yw res a-barth dhywgh; gwrewgh hemma yn kovadh ahanav vy.’

Yoshua 14:13

Yoshua a'n bennigas, hag ev a ros Hebron dhe Kaleb mab Yefunne rag eretons.

Yoshua 22:6

Ytho Yoshua a's bennigas ha'ga dannvon dhe-ves, hag i eth dh'aga thyldow.

1 Peder 2:17

Gwrewgh enora pub den oll, kara an brederedh, Duw, enora an emperour.

1 Samuel 2:20

Ena Eli a benniga Elkana ha'y wreg, ha leverel, ‘Re rollo an Arloedh dhis fleghes der an venyn ma yn le an brestenn a wrug hi dhe'n Arloedh’; hag ena i a dhehweli dhe dre.