Jenesis 47:6 - An Bibel Kernewek 20234 (Kernewek Kemmyn)

⁶ Yma pow Ejyp a-dheragos. Gas dha das ha'th vreder dhe driga yn gwella rann an pow; gas i dhe driga yn pow Goshen. Ha mar kodhes bos yn aga mysk gwer abel, gorr i dhe vos gwithysi war ow chatel vy.’

Jenesis 47:6 ပူးပေါင်းရင်းမြစ်များ

Jenesis 13:10

Ha Lot a dhrehevis y dhewlagas ha gweles oll an plen a-dro dhe'n Yordan, oll anodho dhe vos dowrhes – kyns an Arloedh dhe dhiswul Sodom ha Gomorra – kepar ha lowarth an Arloedh, kepar ha pow Ejyp ha ty ow tos bys yn Soar.

Jenesis 13:9

A nyns usi oll an tir a-dheragos? Diberth dhiworthiv, dell yth pysav. Mar mynnydh kemmeres an barth kledh, my a gemmer an barth dhyghow, ha mar kemmerydh an barth dhyghow my a gemmer an barth kledh.’

Jenesis 20:15

Hag yn-medh Abimelek, ‘Awotta, yma ow thir a-dheragos. Gwra triga le may fo plegadow dhis.’

Jenesis 34:10

Trigys vydhowgh genen, ha'n pow a vydh a-dheragowgh; trigewgh, ha mos a-dro ynno ha trevesiga ynno.’

Jenesis 45:10

Ha ty a drig yn pow Goshen, ha ty a vydh ogas dhymmo, ty ha'th vebyon, ha mebyon dha vebyon, ha'th flokkys ha'th chatel, ha pup-tra eus dhis.

Jenesis 46:34

res yw dhywgh leverel, “Dha wesyon yw gwithysi enyvales a-dhia agan yowynkneth bys y'n eur ma, ha ni ha'gan tasow”, rag may hyllowgh triga yn pow Goshen; rag pub bugel deves yw kasadow dhe'n Ejyptianys.’

Jenesis 47:11

Ena Yosep a dhesedhas y das ha'y vreder, hag ev a ros dhedha perghennogeth yn pow Ejyp, y'n gwella rann a'n tir yn pow Rameses, dell wrussa Faro gorhemmynna.

Jenesis 47:16

Yn-medh Yosep, ‘Rewgh agas chatel ha my a re dhywgh bara yn attal a'gas chatel mars yw gyllys an mona.’

Jenesis 47:4

Hag yn-medhons i dhe Faro, ‘Ni re dheuth dhe driga y'n pow, rag nyns eus peurva yn pow Kanan rag flokk dha wesyon, rag tynn yw an divoetter yn pow Kanan. Ytho lemmyn, gas dha wesyon dhe driga yn pow Goshen, ni a'th pys.’

Jenesis 47:5

Ena Faro a gewsis orth Yosep, ow leverel, ‘Dha das ha'th vreder re dheuth dhis.

1 Myghternedh 11:28

Yeroboam o gour pur alloesek, ha pan welas Solomon bos an gour yowynk diwysyk ev a'n gwrug rewler war oll an lavur konstrynys a ji Yosep.

2 Kroniklys 26:10

Ev a dhrehevis touryow y'n gwylvos hag ev a balas lies dowrargh, rag ev a'n jevo greow bras, keffrys y'n Shefela hag y'n plen. Hag ev a'n jevo tiogyon ha gonedhysi gwinlannow y'n vro venydhyek hag y'n tiryow feyth, rag ev a garas an dor.

Eksodus 18:21

Dhe voy, dewis gwer abel yn-mes a'n bobel oll, neb a berth own Dhuw, gwer a yllir aga threstya ha kas gansa falswober; ha gorr gwer a'n par ma a-ugh an bobel avel rewloryon a vilyow, a gansow, a hanter-kansow hag a dhegow.

Eksodus 18:25

Moyses a dhewisas gwer abel yn-mes a oll Ysrael, ha gul dhedha bos pennow war an bobel, rewloryon a vilyow, a gansow, a hanter-kansow hag a dhegow.

Eksodus 9:10

Ytho i a gemmeras lusu dhiworth an forn, ha sevel a-rag Faro, ha Moyses a's tewlis war-tu ha nev, hag y teuth ha bos bryghi ow tardha yn kuriegi war dhen ha best.

Eksodus 9:21

mes ev neb na wrug vri a er an Arloedh a asas y gethyon ha'y warthek y'n pras.

Lavarow Koth 21:1

Kolonn an myghtern yw gover a dhowr yn leuv an Arloedh; ev a's treyl py le pynag y fynno.

Lavarow Koth 22:29

A welydh an gour skentel yn y ober? Ev a sev a-rag myghternedh; ny sev a-rag tus kemmyn.

Yeremia 40:4

Lemmyn mir, my re'th rydhhas hedhyw a'n kadonyow war dha dhiwleuv. Mars yw da genes dos genev dhe Babylon, deus, ha my a'th with yn ta; mes mar nyns yw da genes dos genev dhe Babylon, ny dal dhis dos. Mir, yma oll an tir a-ragos; plepynag a hevel dhis bos da hag ewn, ke di.

Yowann 17:2

kepar dell resys dhodho galloes dres oll kig, may rollo bewnans heb diwedh dhe vyns re resys dhodho.

1 Samuel 21:7

Lemmyn yth esa ena neb unn gour a wesyon Sowl an jydh na, gwithys a-dherag an Arloedh; Doeg o y hanow, Edomyas, an chyf a vugeledh Sowl.