Jenesis 46:34 - An Bibel Kernewek 20234 (Kernewek Kemmyn)

³⁴ res yw dhywgh leverel, “Dha wesyon yw gwithysi enyvales a-dhia agan yowynkneth bys y'n eur ma, ha ni ha'gan tasow”, rag may hyllowgh triga yn pow Goshen; rag pub bugel deves yw kasadow dhe'n Ejyptianys.’

Jenesis 46:34 ပူးပေါင်းရင်းမြစ်များ

Jenesis 13:7

Ytho yth esa strif yntra bugeledh chatel Abram ha bugeledh chatel Lot. Yth esa an Kananysi ha'n Perizzysi trigys ena y'n pow.

Jenesis 13:8

Hag yn-medh Abram dhe Lot, ‘My a'th pys, na vedhes strif yntra my ha ty hag yntra dha vugeledh jy ha'm bugeledh vy, rag breder on ni.

Jenesis 26:20

Mes bugeledh Gerar a strivyas gans bugeledh Ysak, ow leverel, ‘Yma'n dowr dhyn ni.’ Ytho ev a elwis an puth Esek drefenn i dhe strivya ganso.

Jenesis 30:35

Mes an jydh na Laban a gemmeras yn-mes an boghes o labol ha brith, hag oll an gever-benow brygh ha brith, pubonan gans gwynn warnodho, ha pubonan du yn mysk an oen, hag a's ros yntra diwleuv y vebyon,

Jenesis 34:5

Ha Yakob a glewas ev dhe dhefola Dina y vyrgh pan esa y vebyon gans y jatel y'n gwel; ha Yakob a dewis bys pan dheuthons.

Jenesis 37:12

Y vreder eth dhe beuri flokk aga thas yn Shekem.

Jenesis 37:2

An re ma yw henedhow Yakob: Yosep, seytek bloedh y oes, esa ow peuri an flokk gans y vreder; maw ova, gans mebyon Bilha ha gans mebyon Zilpa, gwragedh y das; ha Yosep a dhros drog dherivas anedha dh'aga thas.

Jenesis 43:32

Hag i a settyas boes ragdho ev y honan diberthys ha ragdha i aga honan diberthys ha rag an Ejyptianys esa ow tybri ganso aga honan diberthys, rag ny yll an Ejyptianys dybri gans an Ebrowyon, rag tra gasadow yw henna dhe'n Ejyptianys.

Jenesis 45:10

Ha ty a drig yn pow Goshen, ha ty a vydh ogas dhymmo, ty ha'th vebyon, ha mebyon dha vebyon, ha'th flokkys ha'th chatel, ha pup-tra eus dhis.

Jenesis 45:18

ha kemmerewgh agas tas ha'gas teyluyow ha dewgh dhymmo vy; ha my a re dhywgh an dader a bow Ejyp, ha hwi a wra dybri blonek an tir.”

Jenesis 46:32

An wer ma yw bugeledh deves, rag i a veu gwithysi enyvales, hag i re dhros gansa aga flokkys ha'ga greow ha pup-tra eus gansa.”

Jenesis 47:11

Ena Yosep a dhesedhas y das ha'y vreder, hag ev a ros dhedha perghennogeth yn pow Ejyp, y'n gwella rann a'n tir yn pow Rameses, dell wrussa Faro gorhemmynna.

Jenesis 47:3

Yn-medh Faro dh'y vreder, ‘Py par ober a wrewgh hwi?’ hag yn-medhons i dhe Faro, ‘Dha wesyon yw bugeledh deves, ha ni ha'gan tasow.’

Jenesis 47:4

Hag yn-medhons i dhe Faro, ‘Ni re dheuth dhe driga y'n pow, rag nyns eus peurva yn pow Kanan rag flokk dha wesyon, rag tynn yw an divoetter yn pow Kanan. Ytho lemmyn, gas dha wesyon dhe driga yn pow Goshen, ni a'th pys.’

Jenesis 47:6

Yma pow Ejyp a-dheragos. Gas dha das ha'th vreder dhe driga yn gwella rann an pow; gas i dhe driga yn pow Goshen. Ha mar kodhes bos yn aga mysk gwer abel, gorr i dhe vos gwithysi war ow chatel vy.’

Eksodus 8:22

Mes y'n jydh na my a wra settya pow Goshen a-denewen, le may ma ow fobel trigys, ma na vo ena hesow kelyon; may hwodhvi my dhe vos an Arloedh yn mysk an nor.

Eksodus 8:26

Mes Moyses a leveris, ‘Ny via gwiw gul yndella; rag ni a wra sakrifia dhe'n Arloedh agan Duw offrynnow yw kasadow dhe'n Ejyptianys. Mar sakrifiyn offrynnow kesys gans an Ejyptianys a-rag aga dewlagas, a ny wrons i agan labydha?