Jenesis 45:20 - An Bibel Kernewek 20234 (Kernewek Kemmyn)

²⁰ Na brederewgh a'gas daffar, rag pup-tra 'vas yn oll pow Ejyp a vydh ragowgh hwi.” ’

Jenesis 45:20 ပူးပေါင်းရင်းမြစ်များ

Jenesis 20:15

Hag yn-medh Abimelek, ‘Awotta, yma ow thir a-dheragos. Gwra triga le may fo plegadow dhis.’

Jenesis 45:18

ha kemmerewgh agas tas ha'gas teyluyow ha dewgh dhymmo vy; ha my a re dhywgh an dader a bow Ejyp, ha hwi a wra dybri blonek an tir.”

Jenesis 45:19

Ha ty, gwra erghi, “Gwrewgh yndella: kemmerewgh kertys mes a bow Ejyp rag agas fleghes ha'gas gwragedh, ha drewgh agas tas; ha dewgh.

Jenesis 45:21

Ytho mebyon Ysrael a wrug yndella ha Yosep a ros dhedha kertys war-lergh gorhemmynna Faro, hag ev a ros dhedha boes rag an vyaj.

Jenesis 47:6

Yma pow Ejyp a-dheragos. Gas dha das ha'th vreder dhe driga yn gwella rann an pow; gas i dhe driga yn pow Goshen. Ha mar kodhes bos yn aga mysk gwer abel, gorr i dhe vos gwithysi war ow chatel vy.’

Ezra 9:12

Lemmyn ytho na rewgh agas myrghes dh'aga mebyon, ha na gemmerewgh aga myrghes dh'agas mebyon. Nevra na hwilewgh kevambos kres gansa, may fowgh krev, ha dybri dader an tir, ha'y asa dh'agas fleghes avel eretons bynitha.”

Eksodus 22:7

Gour mar re dh'y gentrevek arghans po gwara dhe witha, hag y fydh ledrys dhiworth chi an gour, ena, mar pydh kevys an lader, ev a wra tyli dewblekkweyth.

Ysay 1:19

Mars yw agas bodh ha mar pydhowgh gostydh, hwi a dheber dader an tir;

Ysay 13:18

Aga gwaregow a vrew gwer yowynk; ny gemmerons truedh a frut an brys; ny vir aga lagas gans piteth war fleghes.

Ezekiel 20:17

Byttegyns ow lagas a's sparyas, ha ny wrug vy aga diswul, na'ga howldhistrui y'n difeythtir.

Ezekiel 7:4

Ny gemmer ow lagas pita ahanas, ha ny'th sparyav, rag my a attal dhis drefenn dha fordhow, ha'th taklow kasadow a-berth ynnos. Ena hwi a woer my dhe vos an Arloedh.

Ezekiel 7:9

Ny gemmer ow lagas pita ahanas, na ny'th sparyav; my a attal dhis war-lergh dha fordhow, ha'th taklow kasadow usi a-berth ynnos. Ena hwi a woer my dhe vos an Arloedh, usi ow kweskel.

Ezekiel 9:5

Dhe'n re erell y leveris, ha my ow klewes, ‘Tremenewgh dre'n sita war y lergh ha gweskewgh; na wres agas lagas kemmeres truedh, ha na gemmerewgh piteth.

Matthew 24:17

neb usi war do an chi na wres diyskynna rag kyrghes neppyth yn-mes a'y ji,

Luk 17:31

Y'n jydh na, neb eus war an to ha'y bythow y'n chi, na wres ev mos yn-nans rag aga hemmeres; ha neb eus y'n gwel keffrys, na dreylyes war-dhelergh.

Dewteronomi 19:13

Na gemmeres dha lagas pita anodho, mes karth kabel an goes gwiryon dhiworth Ysrael, may fo yn ta dhis.

Dewteronomi 19:21

Na gemmeres dha lagas pita. Enev rag enev, lagas rag lagas, dans rag dans, leuv rag leuv, troes rag troes.

Dewteronomi 7:16

Ha ty a dhevor oll an poblow a wra an Arloedh dha Dhuw aga ri dhis. Ny wra dha lagas kemmeres pita anedha, ha ny wrewgh servya aga duwow, rakhenna dhe vos antell dhis.

Yoshua 7:11

Ysrael re beghas; i re dreuspassyas erbynn ow hevambos a worhemmynnis dhedha. I re gemmeras re a'n taklow sakrys dhe dhistruyans; i re's ladras, ha'ga hudha, orth aga gorra gans aga lestri aga honan.

1 Samuel 10:22

Ytho i a wovynnas orth an Arloedh arta, ‘Eus gour hwath dhe dhos omma?’ Hag yn-medh an Arloedh, ‘Ottava, kudhys yn mysk an fardellow.’

1 Samuel 25:13

Yn-medh Davydh dh'y wer, ‘Kelmewgh agas kledhedhyow warnowgh, hwi oll.’ Ytho pub gour a golmas y gledha warnodho; Davydh ynwedh a golmas y gledha warnodho; hag a-dro dhe beswar kans gour eth yn-bann war-lergh Davydh, ha dew kans a wortas gans an fardellow.

1 Samuel 30:24

Piw a vynn goslowes orthowgh y'n mater ma? Rag rann an gour neb a wra mos yn-nans y'n vatel a vydh kepar ha rann an gour neb a worta ryb an fardellow; i a rann kepar.’