Jenesis 45:15 - An Bibel Kernewek 20234 (Kernewek Kemmyn)

¹⁵ Hag ev a ammas dhe oll y vreder hag oela warnedha, ha wosa henna yth esa y vreder ow kewsel ganso.

Jenesis 45:15 ပူးပေါင်းရင်းမြစ်များ

Jenesis 29:11

Ena Yakob a ammas dhe Raghel ha drehevel y lev hag oela.

Jenesis 29:13

Laban, pan glewas derivas Yakob, mab y hwoer, a boenyas er y bynn ha'y vyrla hag amma dhodho ha'y dhri a-bervedh yn y ji. Hag ev a dherivas dhe Laban oll an taklow ma.

Jenesis 33:4

Mes Esaw a boenyas er y bynn ha'y vyrla ha koedha war y gonna hag amma dhodho; hag i a oelas.

Jenesis 42:24

Ena ev a dreylyas dhe-ves dhiworta hag oela; hag ev a dhehwelis dhedha ha kewsel orta. Hag ev a gemmeras Simeon dhiworta ha'y gelmi a-dheragdha.

Jenesis 45:14

Ena ev a goedhas war gonna Benyamin y vroder hag oela ha Benyamin a oelas war y gonna ev.

Jenesis 45:16

Ha'n nowodhow a veu klewys yn chi Faro, ow leverel, ‘Breder Yosep re dheuth.’ Ha da o hemma yn dewlagas Faro hag yn dewlagas oll y wesyon.

Jenesis 45:2

Hag ev a oelas, ughel y lev, ha'n Ejyptianys a glewas, ha chi Faro a glewas ynwedh.

Jenesis 46:29

Yosep a hernessyas y jarett ha mos yn-bann dhe vetya Ysrael y das yn Goshen. Pan y'n gwelas, ev a goedhas war y gonna hag oela war y gonna termyn hir.

2 Samuel 14:33

Ytho Yoab a dheuth dhe'n myghtern ha derivas orto; hag ev a elwis Absalom. Hag ev a dheuth dhe'n myghtern hag omblegya war y fas dhe'n dor a-rag an myghtern; ha'n myghtern a ammas dhe Absalom.

Salmow 77:4

Ty a syns ow dewlagas yn tifunys; mar droblys ov vy ma na allav kewsel.

Eksodus 4:27

Hag yn-medh an Arloedh dhe Aron, ‘Ke dhe vetya gans Moyses y'n gwylvos’; hag yth eth ha metya ganso war venydh Duw hag amma dhodho,

Luk 15:20

Ytho ev a sevis yn-bann ha mos dh'y das. Hag ev hwath y'n pellder, y das a'n gwelas, ha piteth a'n jeva, hag ev a boenyas hag a goedhas war y gonna hag amma dhodho.

Oberow 20:37

Hag yth esa meur a oelva gans oll, hag ow koedha war gonna Powl i a ammas dhodho,

Ruth 1:14

Mes i a dhrehevis yn-bann aga lev, hag oela dagrow a-nowydh, hag Orpa a ammas dh'y hweger, mes Ruth a's byrlas yn tynn.

Ruth 1:9

Re rollo an Arloedh dhywgh may kyffowgh powes, pubonan yn chi hy gour.’ Ena hi a ammas dhedha, hag i a wrug oela dagrow, ughel aga lev.

1 Samuel 10:1

Ena Samuel a gemmeras kostrel a olew, ha'y dhiveri war y benn, hag amma dhodho, ha leverel, ‘A ny wrug an Arloedh dha untya dhe vos rewler war y ertach?

1 Samuel 20:41

Ha kettell veu an maw gyllys, Davydh a sevis yn-bann dhiworth tenewen an krug a veyn, ha koedha war y fas dhe'n leur. Ev a blegyas dhe'n dor teyrgweyth, hag i a ammas an eyl dh'y gila, hag i a oelas an eyl gans y gila; mes Davydh a oelas moy.