Jenesis 44:29 - An Bibel Kernewek 20234 (Kernewek Kemmyn)

²⁹ Mar kwrellewgh kemmeres hemma ynwedh dhiworthiv, ha mar hwarva droglamm dhodho, ena hwi a dhrosa ow blew loes dre alar yn-nans dhe'n bedh.”

Jenesis 44:29 ပူးပေါင်းရင်းမြစ်များ

Jenesis 37:35

Hag oll y vebyon hag oll y vyrghes a sevis rag y gonfortya mes ev a skonyas a vos konfortys, hag ev a leveris, ‘My a vynn mos yn-nans dhe'n bedh dhe'm mab, ow kyni.’ Ha'y das a oelas ragdho.

Jenesis 42:36

Hag yn-medh Yakob aga thas dhedha, ‘Hwi re gemmeras dhe-ves ow fleghes. Nyns usi Yosep namoy; nyns usi Simeon namoy, ha hwi a vynn kemmeres Benyamin. Er ow fynn yw oll an taklow ma.’

Jenesis 42:38

Mes yn-medh ev, ‘Ny wra ow mab mos yn-nans genowgh, rag marow yw y vroder, ha nyns eus gesys marnas ev y honan. Mar hwer droglamm dhodho y'n fordh mayth esowgh ow mos, dre alar hwi a dhre ow blew loes yn-nans dhe'n bedh.’

Jenesis 42:4

Mes Yakob ny dhannvonas Benyamin, broder Yosep gans y vreder; yn-medh ev, ‘Rag own droglamm dhe goedha warnodho.’

Jenesis 43:14

Ha re rollo Duw Ollgalloesek mersi dhywgh dherag an gour, may tannvonno dhywgh agas broder arall, ha Benyamin. Ha my – mar pydh ow fleghes kellys, kellys vydhons.’

Jenesis 44:31

pan wello nag usi an maw namoy, ev a verow; ha'th wesyon a gemmer blew loes dha was agan tas dre alar dhe'n bedh.

Dewteronomi 31:17

Ow sorr a dheu warnedha y'n jydh na, ha my a's forsak, ha kudha ow fas dhiworta, hag i a vydh devorys. Lies drog hag ahwer i a's kyv, may leverons y'n jydh na, “A nyns yw rag nag usi agan Duw yn agan mysk, y teuth an drogow warnan?”