Jenesis 43:32 - An Bibel Kernewek 20234 (Kernewek Kemmyn)

³² Hag i a settyas boes ragdho ev y honan diberthys ha ragdha i aga honan diberthys ha rag an Ejyptianys esa ow tybri ganso aga honan diberthys, rag ny yll an Ejyptianys dybri gans an Ebrowyon, rag tra gasadow yw henna dhe'n Ejyptianys.

Jenesis 43:32 ပူးပေါင်းရင်းမြစ်များ

Jenesis 31:54

Ena Yakob a wrug sakrifis war an menydh ha gelwel y vreder dhe dhybri bara, hag i a dhybris bara ha gortos dres nos war an menydh.

Jenesis 43:16

Ha Yosep a welas Benyamin gansa, ha leverel dhe rewler y ji, ‘Doro an wer a-berth y'n chi ha ladha best ha pareusi pup-tra, rag y fydh an wer ow tybri genev dhe hanter-dydh.’

Jenesis 46:34

res yw dhywgh leverel, “Dha wesyon yw gwithysi enyvales a-dhia agan yowynkneth bys y'n eur ma, ha ni ha'gan tasow”, rag may hyllowgh triga yn pow Goshen; rag pub bugel deves yw kasadow dhe'n Ejyptianys.’

Eksodus 8:26

Mes Moyses a leveris, ‘Ny via gwiw gul yndella; rag ni a wra sakrifia dhe'n Arloedh agan Duw offrynnow yw kasadow dhe'n Ejyptianys. Mar sakrifiyn offrynnow kesys gans an Ejyptianys a-rag aga dewlagas, a ny wrons i agan labydha?