Jenesis 43:18 - An Bibel Kernewek 20234 (Kernewek Kemmyn)

¹⁸ Ha'n wer a berthi own rag i dhe vos dres a-bervedh yn chi Yosep, hag yn-medhons, ‘Ni re beu dres a-ji drefenn an mona a veu daskorrys yn agan seghyer an kynsa gweyth. Ev a vynn omsettya er agan pynn ha koedha warnan, ha'gan kemmeres dhe vos kethyon, ha'gan asenes ynwedh.’

Jenesis 43:18 ပူးပေါင်းရင်းမြစ်များ

Jenesis 42:21

Hag i a leveris an eyl dh'y gila, ‘Yn hwir, kablus on ni a'gan broder, rag ni a welas anken y enev pan wrug ev pysi mersi warnan, ha ny wrussyn ni goslowes. Rakhenna re goedhas warnan an anken ma.’

Jenesis 42:27

Ena onan anedha a igoras y sagh y'n tavern dhe ri boes dh'y asen; hag ev a welas an mona, hag ottava yn ganow y sagh.

Jenesis 42:28

Yn-medh ev dh'y vreder, ‘Ow mona re beu daskorrys dhymm. Ottava y'm sagh.’ Aga holonn a fyllis, hag i a grenas, ow leverel an eyl dh'y gila, ‘Pyth yw hemma re wrug Duw dhyn ni?’

Jenesis 42:35

Hag i ow kwakhe aga seghyer, otta, yth esa mona pub den, yn yalgh, yn y sagh. Pan welsons yalghow aga mona, i ha'ga thas ynwedh, hag i a borthas own.

Jenesis 43:17

Ha'n gour a wrug dell leveris Yosep hag ev a dhros an wer a-berth yn chi Yosep.

Jenesis 43:19

Hag i a dheuth nes dhe rewler chi Yosep ha kewsel orto orth daras an chi,

Jenesis 44:8

Awotta, ni a dhros dhis arta dhiworth pow Kanan an mona a gevsyn yn ganow agan seghyer. Ytho, fatell yllyn ni ladra owr po arghans dhiworth chi dha arloedh?

Job 15:21

Yma sonyow euthyk yn y dhiwskovarn; yn sewena an distruer a dheu warnodho.

Job 30:14

I a dheu yn-rag kepar ha der aswa ledan; yn mysk an radellow i a rol a-bervedh.

Salmow 53:5

Ena yth esens i yn own bras yn tyller ma nag esa own; rag Duw re skattras eskern an den a gampyas a-dro dhis; ty re wrug mewl dhedha, rag Duw dh'aga dispresya.

Salmow 73:16

Pan ombrederis fatell gonvedhyn vy hemma, poenvotter o ev y'm golok vy,

Ysay 7:2

Y feu derivys dhe ji Davydh, ow leverel, ‘Aram yw keffrysyas Efraym’; ha'y golonn ha kolonn y bobel a grenas kepar dell gren gwydh an koes a-rag an gwyns.

Daniel 6:4

Ena an lewydhyon ha'n wahalyethow a hwilas skila rag krodhvol war Daniel a-dro dhe'n ruvaneth; mes ny yllens kavoes skila rag krodhvol, na kammwul vyth, rag y vos len; ha ny veu kevys ynno na fowt na kammwul.

Mark 6:16

Mes Herod pan glewas a leveris, ‘Yowann yw, neb a wrugavy y dhibenna; dasserghys yw a'n re varow.’

Romanyon 7:8

Mes pegh ow kavoes prys y'n gorhemmynn, a wre ynnov vy drokhwans a bub eghenn, rag a-der an lagha marow yw pegh.

Dewteronomi 22:14

ha'y huhudha a wannober, ha ri dhedhi drog hanow, ow leverel, ‘My a gemmeras an venyn ma ha mos a-bervedh dhedhi, ha ny gevis ynni toknys gwyrghsys’,

Dewteronomi 22:17

Hag otta, ev a's kuhudhas a wannober, ow leverel, “Ny gemmeris toknys gwyrghsys dha vyrgh”, mes ottomma toknys gwyrghsys ow myrgh.’ Ena i a les an gweth a-rag henavogyon an dre,

Breusysi 13:22

Ha Manoagh a leveris dh'y wreg, ‘Ni a verow yn surredi, rag ni re welas Duw.’

Breusysi 14:4

Ny wodhya y das na'y vamm bos hemma dhiworth an Arloedh, rag yth esa ow hwilas acheson dhe oberi erbynn an Filistysi. Yn termyn na an Filistysi a's tevo maystri war Ysrael.