Jenesis 42:28 - An Bibel Kernewek 20234 (Kernewek Kemmyn)

²⁸ Yn-medh ev dh'y vreder, ‘Ow mona re beu daskorrys dhymm. Ottava y'm sagh.’ Aga holonn a fyllis, hag i a grenas, ow leverel an eyl dh'y gila, ‘Pyth yw hemma re wrug Duw dhyn ni?’

Jenesis 42:28 ပူးပေါင်းရင်းမြစ်များ

Jenesis 27:33

Ena Ysak a grenas yn pur veur ha leverel, ‘Piw veu ytho neb a helghyas helgik ha'y dhri dhymmo, ha my a'n dybris oll, kyns ty dhe dhos? My a'n bennigas, ha benniges vydh.’

Jenesis 42:29

Pan dheuthons dhe Yakob aga thas dhe bow Kanan, i a dherivas dhodho pup-tra a hwarva dhedha, ow leverel,

Jenesis 42:36

Hag yn-medh Yakob aga thas dhedha, ‘Hwi re gemmeras dhe-ves ow fleghes. Nyns usi Yosep namoy; nyns usi Simeon namoy, ha hwi a vynn kemmeres Benyamin. Er ow fynn yw oll an taklow ma.’

Jenesis 43:23

Hag yn-medh ev, ‘Kres dhywgh hwi. Na berthewgh own. Agas Duw ha Duw agas tas re ros dhywgh tresor yn agas seghyer. Agas mona a dheuth dhymmo vy.’ Ena ev a dhros Simeon yn-mes dhedha.

1 Myghternedh 10:5

an boes war y voes, rester esedhyans y soedhogyon, an servysi ha'ga gwisk, y hanaforyon, ha'y offrynnow leskys a offrynna yn chi an Arloedh, nyns esa spyrys ynni namoy.

Salmow 61:2

Dhiworth penn an nor y halwav warnas, pan yw gwann ow holonn. Hembronk vy dhe'n garrek yw ughella agesov.

An Gan a Ganow 5:6

My a igoras dhe'm karadow, mes ow haradow a dreylyas, ha gyllys o dhe-ves. Ow enev a fyllis pan gewsis ev. My a'n hwilas, mes ny wrug vy y gavoes; my a'n gelwis, mes ny worthybis dhymm.

Ysay 45:7

My a form golow ha kreatya tewlder, my a wra kres ha kreatya galar, my yw an Arloedh neb a wra oll an taklow ma.

Kynvannow 2:17

An Arloedh re wrug y vynnas, ev re gowlwrug y lavar; kepar dell ordenas seuladhydh; ev re dorras heb truedh; ev a wrug dhe'n eskerens lowenhe warnas, ev re dhrehevis korn dha eskerens.

Kynvannow 3:37

Piw a yll gorhemmynn hag y fydh gwrys, mar ny'n ordenas an Arloedh?

Levitikus 26:36

Ha my a dhannvon desper yn kolonn an re ahanowgh yw gesys yn tiryow aga eskerens; ha son delenn ow krena a's chas, hag i a fi kepar ha pan vens ow fia a'n kledha, hag i a goedh pan na's siw denvyth.

Amos 3:6

Eus korn hwythys yn sita, heb bos an bobel ownek? A vydh anfeusi yn sita, marnas an Arloedh a'n gwrug?

Luk 21:26

Tus a glamder rag own, ha gwaytyans a'n taklow a hwyrvydh war an nor; rag nerthow an nevow a vydh kryghyllys.

Dewteronomi 28:65

Hag yn mysk an kenedhlow ma ny' fydh powes, ha ny vydh powesva dhe wodhen dha droes. Ena an Arloedh a re dhis kolonn a gren, ha dewlagas a fyll, hag enev ydhil.