Jenesis 41:50 - An Bibel Kernewek 20234 (Kernewek Kemmyn)

⁵⁰ Dew vab a veu dineythys dhe Yosep kyns dos blydhen an divoetter, dineythys dhodho gans Asenath, myrgh Potifera, oferyas On.

Jenesis 41:50 ပူးပေါင်းရင်းမြစ်များ

Jenesis 41:45

Ha Faro a elwis hanow Yosep Safenath-paaneagh, ha ri dhodho Asenath, myrgh Potifera, oferyas On avel gwreg. Ha Yosep eth yn-mes der oll pow Ejyp.

Jenesis 41:49

Yosep a vernyas ys kepar ha tewes an mor, orth y gressya yn feur, bys pan astelas nivera, rag heb niver veu.

Jenesis 41:51

Ha Yosep a elwis hanow an kynsa-genys Manasse, ‘rag Duw re wrug dhymm ankevi oll ow throbel hag oll chi ow thas.’

Jenesis 46:20

Y feu dineythys dhe Yosep yn pow Ejyp Manasse hag Efraym, neb a wrug Asenath myrgh Potifera, oferyas On dineythi dhodho.

Jenesis 48:5

Ha lemmyn, dhymmo vy yw dha dhew vab a veu dineythys dhis yn pow Ejyp kyns my dhe dhos dhiso yn Ejyp; Efraym ha Manasse a vydh dhymmo vy, kepar dell yw Rewben ha Simeon.

2 Samuel 8:18

hag yth esa Benaya mab Yehoyada war an Kerethysi ha'n Pelethysi; ha mebyon Davydh o oferysi.