Jenesis 40:20 - An Bibel Kernewek 20234 (Kernewek Kemmyn)

²⁰ Y'n tressa dydh, penn-bloedh Faro, ev a wrug kevewi rag oll y wesyon hag ughelhe penn chyf an hanaforyon ha penn chyf an beboryon yn mysk y wesyon,

Jenesis 40:20 ပူးပေါင်းရင်းမြစ်များ

Jenesis 21:8

Ha'n flogh a devis hag a veu didhenys; hag Abraham a wrug kevewi bras an keth jydh may feu Ysak didhenys.

Jenesis 40:13

A-ji dhe drydydh y hwra Faro ughelhe dha benn ha'th worra arta y'th soedh; ha ty a vydh ow korra hanaf Faro yn y dhorn war-lergh an kynsa maner, pan es y hanafor.

Jenesis 40:19

A-ji dhe drydydh, Faro a dhrehav dha benn dhiworthis ha'th kregi war wydhenn, hag y fydh an ydhyn ow tybri dha gig dhiworthis.’

1 Myghternedh 3:15

Ena Solomon a dhifunas; hunros o. Ev a dheuth dhe Yerusalem le may sevis a-rag argh kevambos an Arloedh. Ev a offrynnas offrynnow leskys hag offrynnow kres, ha provia gwledh rag oll y wesyon.

2 Myghternedh 25:27

Y'n seytegves blydhen warn ugens a dhivroedh Yehoyakin myghtern Yuda, y'n dewdhegves mis, y'n pympes dydh warn ugens a'n mis, Evil-merodak myghtern Babylon, y'n vlydhen may tallathas reynya, a livras myghtern Yehoyakin dhiworth prison;

Ester 1:3

yn tressa blydhen y reyn, ev a wrug kevewi rag y bennsevigyon ha'y wesyon oll; hag yth esa a-ragdho nerth Persia ha Media, ugheloryon ha gwahalyethow an rannvroyow.

Job 3:1

Wosa hemma Job a igoras y anow ha milliga dydh y dhineythyans.

Salmow 105:19

Bys y'n prys may teuth y er, lavar an Arloedh a'n provas.

Yeremia 52:31

Y'n seytegves blydhen warn ugens a divroedh Yehoyakin myghtern Yuda, y'n dewdhegves mis, y'n pympes dydh warn ugens a'n mis, Evil-merodak myghtern Babylon, y'n vlydhen may tallathas reynya, a dhrehevis penn Yekoyakin myghtern Yuda, ha'y dhri yn-mes a'n prison;

Matthew 14:6

Mes pan dheuth penn-bloedh Herod, myrgh Herodias a dhonsyas a-dheragdha ha plesya Herod;

Matthew 25:19

Wosa hirneth, mester an gethwesyon na a dheuth dhe rekna gansa.

Mark 6:21

Ha pan o devedhys dydh gwiw, Herod a wrug gwledh yn y benn-bloedh dh'y dus vras, dh'y benn-gaptenyon ha dhe welhevin Galile;