Jenesis 38:14 - An Bibel Kernewek 20234 (Kernewek Kemmyn)

¹⁴ Ha hi a dhiwiskas hy dillas-gwedhwes ha gwiska vayl, ha'y maylya oll a-dro dhedhi, hag esedha orth porth Enaym usi war an fordh dhe Timna; rag hi a wrussa gweles bos Shela tevys dhe oes ha na via hi res dhodho avel gwreg.

Jenesis 38:14 ပူးပေါင်းရင်းမြစ်များ

Jenesis 24:65

Yn-medh hi dhe'n servont, ‘Piw yw an gour ma ow kerdhes y'n gwel dh'agan metya?’ An servont a leveris, ‘Ow arloedh yw.’ Ytho hi a gemmeras an vayl hag omgudha.

Jenesis 38:15

Yuda a's gwelas, ha tybi hy bos hora rag hi re wrussa kudha hy fas.

Jenesis 38:19

Ena hi a sevis ha mos ha gorra a-denewen hy vayl ha gwiska dillas hy gwedhowses.

Jenesis 38:26

Yuda a's aswonnis, ha leverel, ‘Hi re beu moy gwiryon agesov; rag ny wrug vy hy ri dhe'm mab Shela.’ Ha ny wrowedhas gensi namoy.

Lavarow Koth 7:10

Hag otta, benyn a'n met, gwiskys avel hora, fel hy holonn.

Lavarow Koth 7:12

lemmyn y'n stret, lemmyn y'n varghas, hag orth pub kornell hi a gontrewayt.

Yeremia 3:2

Drehav dha dhewlagas dhe'n ugheldiryow moel, ha mir: ple na wrowedhsons genes? Ty a esedhas ragdha y'n fordhow kepar ha'n Arab y'n gwylvos; ha ty re dhefolas an tir gans dha horyans ha'th trogedh.

Ezekiel 16:25

Orth penn pub fordh ty a dhrehevis dha dyller ughel, ha gul aborrys dha dekter, hag igeri dha dreys dhe bub tremenyas, ha ty a lieshas dha fornikasyon.