Jenesis 37:9 - An Bibel Kernewek 20234 (Kernewek Kemmyn)

⁹ Hag ev a hunrosas hunros arall ha'y dherivas dh'y vreder, ha leverel, ‘Otta, my re hunrosas hunros arta, hag otta, an howl ha'n loer hag unnek ster a omblegyas dhymm.’

Jenesis 37:9 ပူးပေါင်းရင်းမြစ်များ

Jenesis 37:7

awotta, yth esen ni ow kelmi manalow y'n gwel, hag awotta, ow manal vy a sevis, ha pesya a'y sav ynwedh; hag awotta, agas manalow hwi a dheuth oll a-dro, hag omblegya dhe'm manal vy.’

Filippianys 2:15

may fewgh divlam ha heb drog, fleghes heb namm a Dhuw, yn mysk kenedhel gamm ha treus, ha hwi a splann yn aga mysk kepar ha golowys y'n bys,

Daniel 8:10

Bys yn lu an nev y tevis, hag a wrug dhe dharn an lu, ha dhe dharn an ster koedha dhe'n dor, hag ev a stankyas warnedha.

Jenesis 47:12

Ha Yosep a ros sosten dh'y das ha'y vreder hag oll chi y das gans bara, war-lergh niver an fleghes.

Jenesis 46:29

Yosep a hernessyas y jarett ha mos yn-bann dhe vetya Ysrael y das yn Goshen. Pan y'n gwelas, ev a goedhas war y gonna hag oela war y gonna termyn hir.

Jenesis 45:9

Fistenewgh ha mos yn-bann dhe'm tas ha leverel dhodho, “Yndellma y lever Yosep, dha vab. Duw re'm settyas dhe vos arloedh war oll Ejyp. Deus yn-nans dhymmo, na wra gortos.

Jenesis 44:19

Ow arloedh a wovynnas orth y wesyon, ow leverel, “Eus tas po broder dhywgh?”

Jenesis 44:14

Yuda ha'y vreder a dheuth dhe ji Yosep. Yth esa ev hwath ena, hag i a goedhas dhe'n leur a-dheragdho.

Jenesis 43:28

Hag yn-medhons i, ‘Yma dha was agan tas yn poynt da. Hwath yn few yw ev.’ Hag i a omblegyas ha koedha dhe'n dor a-ragdho.

Jenesis 41:32

Ha rag bos an hunros diskwedhys diwweyth dhe Faro, sur yw, an dra dhe vos fondys gans Duw hag yma Duw ow fistena dh'y wul.

Jenesis 41:25

Hag yn-medh Yosep dhe Faro, ‘Onan yw hunros Faro. Duw re dhiskwedhas dhe Faro an pyth usi ow kul.

Jenesis 37:10

Mes ev a'n derivas dh'y das ha dh'y vreder ha'y das a'n rebukyas ha leverel dhodho, ‘Pyth yw an hunros ma re wruss'ta hunrosa? A wren ni dos, my ha'th vamm ha'th vreder, dhe omblegya dhe'n leur a-ragos?’

Jenesis 37:8

Hag yn-medh y vreder dhodho, ‘A vydhydh ow reynya warnan yn hwir? Po a vydhydh orth agan rewlya?’ Ytho i a'n kasas hwath dhe voy drefenn y hunrosow ha'y eryow.

Jenesis 20:3

Mes Duw a dheuth dhe Abimelek yn hunros yn nos ha leverel dhodho, ‘Awotta, den marow osta, drefenn an venyn re wruss'ta kemmeres; rag demmedhys yw hi dhe wour.’

Jenesis 42:6

Lemmyn Yosep o governour war an pow. Ev o neb esa ow kwertha ys dhe oll pobel an pow; ha breder Yosep a dheuth hag omblegya dheragdho, aga fasow dhe'n leur.

Jenesis 43:26

Yosep a dheuth a-berth y'n chi, hag i a dhros dhodho y'n chi an ro esa yn aga dorn, hag omblegya dhodho dhe'n leur.

Niverow 12:6

Hag ev a leveris, ‘Klewewgh ow geryow: Mars eus profoes yntredhowgh, my an Arloedh a vydh aswonnys dhodho yn gwelesigeth, my a gews orto yn hunros.