Jenesis 37:35 - An Bibel Kernewek 20234 (Kernewek Kemmyn)

³⁵ Hag oll y vebyon hag oll y vyrghes a sevis rag y gonfortya mes ev a skonyas a vos konfortys, hag ev a leveris, ‘My a vynn mos yn-nans dhe'n bedh dhe'm mab, ow kyni.’ Ha'y das a oelas ragdho.

Jenesis 37:35 ပူးပေါင်းရင်းမြစ်များ

Job 2:11

Pan glewas tri howeth Job a-dro dhe'n drogedh oll ma re dhothya warnodho, i a dheuth pub huni dhiworth y dyller y honan, Elifaz an Temanyas, Bildad an Shuhyas ha Sofar an Naamathyas. I a settyas prys war-barth rag dos dhe geskalari ganso ha rag y gonfortya.

2 Samuel 12:17

Henavogyon y ji a sevis a-ughto, dh'y dhrehevel dhiworth an dor; mes ny vynnas, na ny dhybris boes gansa.

Jenesis 42:38

Mes yn-medh ev, ‘Ny wra ow mab mos yn-nans genowgh, rag marow yw y vroder, ha nyns eus gesys marnas ev y honan. Mar hwer droglamm dhodho y'n fordh mayth esowgh ow mos, dre alar hwi a dhre ow blew loes yn-nans dhe'n bedh.’

Yeremia 31:15

Yndellma y lever an Arloedh: Lev yw klewys yn Rama, kynvann hag oelva hwerow. Yma Raghel owth oela rag hy fleghes; hi a nagh bos konfortys rag hy fleghes drefenn nag esons na fella.

Salmow 77:2

Yn dydh ow anken my a hwilas an Arloedh; ow leuv o ystynnys y'n nos, ha nyns o skwith; ow enev a skonyas a gavoes hebaska.

Jenesis 45:28

Hag yn-medh Ysrael, ‘Lowr yw! Ow mab Yosep yw hwath yn few. My a vynn mos dh'y weles kyns merwel.’

Jenesis 42:31

Mes ni a leveris dhodho, “Tus wiryon on ni. Nyns on ni aspioryon.

Jenesis 31:43

Ena Laban a worthybis ha leverel dhe Yakob, ‘An myrghes yw ow myrghes vy, ha'n mebyon ow mebyon vy, ha'n flokk ow flokk vy, ha pup-tra a welydh, my a'n pew. Ha'm myrghes, pandr'a allav y wul hedhyw orth an re ma po rag aga mebyon re wrussons aga dineythi?

Jenesis 25:8

Ena Abraham a dremenas hag a verwis yn kothni dha, den koth, leun a vlydhynyow, hag y feu kuntellys dh'y bobel.

Jenesis 35:29

Hag Ysak a dremenas hag a verwis, hag a veu kuntellys dh'y bobel, leun a dhydhyow; ha'y vebyon Esaw ha Yakob a'n ynkleudhyas.

2 Samuel 12:23

Mes lemmyn ev yw marow; prag y tegoedh dhymm penys? A allav vy y dhri dhe-dre dhymm arta? Yth av vy dhodho, mes ny dhehwel ev dhymm.’

Ekklesiastes 9:10

Pypynag a gyv dha leuv dh'y wul, gwra e gans oll dha nerth, rag nyns eus nag ober na resna na godhvos na furneth yn ifarn le mayth edh.

Jenesis 48:11

Hag yn-medh Ysrael dhe Yosep, ‘Ny wrussen gwaytyas gweles dha fas, mes otta, Duw re dhiskwedhas dhymm dha has ynwedh.’

2 Samuel 19:1

Y feu derivys orth Yoab, ‘Otta, an myghtern a oel ha kyni rag Absalom.’

1 Kroniklys 7:22

Efraym aga thas a alaris lies dydh, ha'y neskerens a dheuth dh'y gonfortya.

Salmow 77:3

My a berth kov a Dhuw, ha moredhek ov vy; my a breder yn town, ha'm enev a glamder. Sela.