Jenesis 37:26 - An Bibel Kernewek 20234 (Kernewek Kemmyn)

²⁶ Hag yn-medh Yuda dh'y vreder, ‘Py par prow vydh mar ledhyn agan broder ha keles y woes?

Jenesis 37:26 ပူးပေါင်းရင်းမြစ်များ

Jenesis 25:32

Yn-medh Esaw, ‘Otta, yth esov yn eneworres; ytho pandr'a amont an gwir genesik dhymm?’

Jenesis 37:20

Deun lemmyn ha gwren ni y ladha ha'y dewlel yn onan a'n puthow, ha leverel, neb unn tebel vest dh'y dhybri; ha ni a welvydh pandr'a vydh y hunrosow.’

Jenesis 4:10

Hag ev a leveris, ‘Pandr'a wruss'ta? Yma lev goes dha vroder ow karma warnav dhiworth an dor.

Jenesis 4:9

Hag yn-medh an Arloedh dhe Kayn, ‘Ple'ma Abel dha vroder?’ Hag yn-medh ev, ‘Ny wonn. Ov vy gwithyas ow broder?’

Jenesis 40:15

Rag dhe wir my a veu ledrys yn-mes a bow an Ebrowyon. Ny wrug vy travyth a vo skila rag i dhe'm gorra y'n pytt.’

Jenesis 42:21

Hag i a leveris an eyl dh'y gila, ‘Yn hwir, kablus on ni a'gan broder, rag ni a welas anken y enev pan wrug ev pysi mersi warnan, ha ny wrussyn ni goslowes. Rakhenna re goedhas warnan an anken ma.’

Jenesis 50:20

Ha hwi, hwi a dewlis droktra er ow fynn; Duw a'n tewlis dhe vos dader, may teffa an dra dell yw y'n jydh hedhyw: dhe witha tus pals yn few.

2 Samuel 1:16

Yn-medh Davydh dhodho, ‘Bedhes dha woes war dha benn dha honan; rag dha anow re dhustunias er dha bynn, ow leverel, “My re ladhas untys an Arloedh.” ’

Job 16:18

‘A dhor, na gorher ow goes; ha na geves ow kri powesva.

Salmow 30:9

Py gwayn vydh y'm goes pan av yn-nans dhe'n pytt? A vydh an doust orth dha wormel, a vydh ev ow terivas dha wirder?

Yeremia 36:25

Hwath pan ynnias Elnathan ha Delaya ha Gemaria war an myghtern ma na losko an rol-skrifa, ny vynna goslowes orta.

Yeremia 41:8

Mes yth esa deg gwer kevys yn aga mysk neb a leveris dhe Yshmael, ‘Na'gan ladh, rag ni a'gan beus y'n parkow tresoryow kudhys a waneth, heydh, oyl ha mel.’ Ytho ev a hedhis, ha ny's ladhas war-barth gans aga breder.

Ezekiel 24:7

Rag yma an goes a skoellyas a-berth ynni; hi a'n dinewis war garrek lomm; ny'n diveris war an dor dh'y gudha gans doust.

Matthew 16:26

Rag py les a vydh dhe dhen mar kwra ev gwaynya oll an bys mes ev a gyll y enev y honan? Po pandr'a wra den y ri yn attal rag y enev?

Romanyon 6:21

Mes pana frut a'gas bo a'n taklow ma'gas beus meth anedha lemmyn? Diwedh an re na yw mernans.

Dewteronomi 17:8

Mars yw mater re gales ragos dhe vreusi yntra goes ha goes, yntra ken ha ken, hag yntra strekys ha strekys, materow a gontroversita a-berth y'th yetys, ena ty a sev hag yskynna dhe'n tyller a wra an Arloedh dha Dhuw y dhewis.