Jenesis 37:22 - An Bibel Kernewek 20234 (Kernewek Kemmyn)

²² Hag yn-medh Rewben dhedha, ‘Na wrewgh skoellya goes; tewlewgh e a-berth y'n puth ma y'n difeythtir. Na wrewgh ystynn leuv er y bynn’ – may halla y dhelivra mes a'ga leuv ha'y dhri arta dh'y das.

Jenesis 37:22 ပူးပေါင်းရင်းမြစ်များ

Jenesis 22:12

Hag yn-medh ev, ‘Na ystynn dha dhorn war an maw, na gul travyth dhodho, rag lemmyn my a woer ty dhe berthi own a Dhuw, a-ban na wruss'ta skonya a ri dhymm dha vab, dha unn vab.’

Jenesis 37:21

Mes Rewben a glewas ha'y dhelivra mes a'ga leuv ha leverel, ‘Na wren ni kemmeres y vewnans.’

Jenesis 37:23

Pan dheuth Yosep bys yn y vreder i a stryppyas y gota dhiworto, an kota liesliw esa warnodho;

Jenesis 42:22

Ha Rewben a worthybis dhedha ha leverel, ‘A ny wrug vy kewsel orthowgh ow leverel, “Na beghewgh erbynn an maw?” mes ny wrussowgh goslowes. Ytho lemmyn y woes yw rekwirys dhiworthyn.’

Eksodus 24:11

Ha ny worras y dhorn war vryntinyon mebyon Ysrael; i a viras war Dhuw, ha dybri hag eva.

Yeremia 36:25

Hwath pan ynnias Elnathan ha Delaya ha Gemaria war an myghtern ma na losko an rol-skrifa, ny vynna goslowes orta.

Matthew 27:24

Ha Pilat, pan welas na ylli gwaynya travyth, mes yth esa freudh ow talleth, a gemmeras dowr ha golghi y dhiwla a-rag an routh ow leverel, ‘Glan yth o'ma a woes an den gwiryon ma. Hwi omgemmerewgh.’

Oberow 12:1

Lemmyn y'n termyn na Herod an myghtern a dewlis diwla war rann a'n re a'n eglos rag aga thebeldhyghtya.

Dewteronomi 13:9

mes ty a'n ladh devri; dha leuv a vydh an kynsa warnodho dh'y worra dhe'n mernans, ha leuv oll an bobel a-wosa.