Jenesis 37:21 - An Bibel Kernewek 20234 (Kernewek Kemmyn)

²¹ Mes Rewben a glewas ha'y dhelivra mes a'ga leuv ha leverel, ‘Na wren ni kemmeres y vewnans.’

Jenesis 37:21 ပူးပေါင်းရင်းမြစ်များ

Jenesis 35:22

Pan esa Yakob trigys y'n pow na, Rewben eth ha growedha gans Bilha, iswreg y das, hag Ysrael a glewas anodho. Lemmyn yth esa dewdhek mab dhe Yakob.

Jenesis 37:22

Hag yn-medh Rewben dhedha, ‘Na wrewgh skoellya goes; tewlewgh e a-berth y'n puth ma y'n difeythtir. Na wrewgh ystynn leuv er y bynn’ – may halla y dhelivra mes a'ga leuv ha'y dhri arta dh'y das.

Jenesis 42:22

Ha Rewben a worthybis dhedha ha leverel, ‘A ny wrug vy kewsel orthowgh ow leverel, “Na beghewgh erbynn an maw?” mes ny wrussowgh goslowes. Ytho lemmyn y woes yw rekwirys dhiworthyn.’

Jenesis 9:5

Hag yn sur, rag goes agas bewnans hwi my a vynn kavoes reknans; my a vynn y gavoes orth pub best; hag orth mab-den, orth den ha'y broder, my a vynn kavoes reknans a vewnans den.

Matthew 10:28

Ha na berthewgh own a'n re a ladh an korf, mes na yll ladha an enev; mes kyns oll perthewgh own a neb a yll diswul ha'n enev ha'n korf yn ifarn.

Yoshua 10:28

Yoshua a gemmeras Makkeda an jydh na, ha gweskel an sita ha'y myghtern gans min an kledha; ev a's sakras dhe dhistruyans, ha peub esa ynni; ny asas denvyth dhe vos gesys. Hag ev a wrug dhe vyghtern Makkeda dell wrussa dhe vyghtern Yeriko.