Jenesis 37:18 - An Bibel Kernewek 20234 (Kernewek Kemmyn)

¹⁸ Hag i a'n gwelas a-bell, hwath kyns ev dhe dhos nes dhedha, hag i a vrasas er y bynn dh'y ladha.

Jenesis 37:18 ပူးပေါင်းရင်းမြစ်များ

Jenesis 27:41

Lemmyn Esaw a'n jevo eskarogeth erbynn Yakob drefenn an vennath may hwrussa y das y venniga gensi, hag Esaw a leveris yn y golonn, ‘Yma'n dydhyow a gynvann a-barth ow thas ow tos nes. Ena my a vynn ladha ow broder Yakob.’

Jenesis 37:19

Hag i a leveris an eyl dh'y gila, ‘Ottomma an hunroser enos ow tos.

Jenesis 50:15

Pan welas breder Yosep bos marow aga thas, yn-medhons i, ‘Martesen Yosep a vydh eskarek er agan pynn, hag a vynn attyli dhyn oll an drog a wrussyn dhodho.’

Jenesis 50:20

Ha hwi, hwi a dewlis droktra er ow fynn; Duw a'n tewlis dhe vos dader, may teffa an dra dell yw y'n jydh hedhyw: dhe witha tus pals yn few.

Salmow 105:25

Ev a dreylyas aga holonn may kassens y bobel, ha dyghtya y wesyon yn fals.

Salmow 109:4

Yn attal a'm kerensa i a sev er ow fynn, mes my a omre dhe bysadow.

Salmow 31:13

Rag my re glewas kabel lies huni; yth esa euth a bub tu, hag i owth omgusulya war-barth er ow fynn; i a dewlis towl dhe gemmeres ow bewnans.

Salmow 31:14

Mes my a drestyas ynnos jy, A Arloedh; my a leveris, ‘Ty yw ow Duw.’

Salmow 37:12

An tebelwas a dewl towl erbynn an den gwiryon, ha deskerni y dhyns orto.

Salmow 37:32

An tebelwas a aspi an den gwiryon, hag ev a assay y ladha.

Salmow 94:21

I a omguntell war-barth erbynn enev an den gwiryon, ha dampnya an goes glan.

Matthew 21:38

Mes an diogyon, pan welsons an mab a leveris an eyl dh'y gila, “Hemm yw an her; dewgh, gwren ni y ladha ha kavoes y ertach!”

Matthew 27:1

Ha ternos vyttin, oll an bennoferysi ha henavogyon an bobel a wrug omgusulyans erbynn Yesu rag y worra dhe'n mernans;

Mark 12:7

Mes an diogyon na a leveris an eyl dh'y gila, “Hemm yw an her; deun, ledhyn ev, ha'n ertach a vydh dhyn ni.”

Mark 14:1

Wosa dew dhydh yth esa an pask ha goel an bara heb goell. Ha'n bennoferysi ha'n skribys a hwila fatell allsens y gemmeres dre doell ha'y ladha;

Yowann 11:53

Ytho a'n jydh na i a dewlis towl dh'y ladha.

Oberow 23:12

Pan dheuth an jydh an Yedhewon a wrug bras yn-dann li a vollethi, na wrens dybri nag eva kyns i dhe ladha Powl.

1 Samuel 19:1

Sowl a gewsis orth y vab Yonathan ha gans oll y wesyon a-dro dhe ladha Davydh. Mes Yonathan mab Sowl a gemmeras delit meur yn Davydh.