Jenesis 37:15 - An Bibel Kernewek 20234 (Kernewek Kemmyn)

¹⁵ Ha neb unn gour a'n kavas, hag, awotta, yth esa ow kwandra a-dro y'n gwel; ha'n gour a wovynnas orto, ‘Pyth es'ta ow hwilas?’

Jenesis 37:15 ပူးပေါင်းရင်းမြစ်များ

Jenesis 21:14

Hag Abraham a sevis yn-bann ternos vyttin a-varr ha kemmeres bara ha kroghen dowr ha'ga ri dhe Hagar orth aga gorra war hy diwskoedh, ha'n flogh, ha'y dannvon dhe-ves, ha hi eth yn-kerdh ha gwandra yn difeythtir Beer-sheba.

Jenesis 37:14

Hag yn-medh ev dhodho, ‘Ke lemmyn dhe weles mars yw pup-tra yn poynt da gans dha vreder ha gans an flokk, ha dri dhymm derivas warnedha.’ Ytho ev a'n dannvonas dhiworth nans Hebron, hag ev a dheuth dhe Shekem.

Jenesis 37:16

Yn-medh ev, ‘Yth esov ow hwilas ow breder. Lavar dhymm, my a'th pys, ple'mons i ow peuri?’

2 Myghternedh 6:19

Elisha a leveris dhedha, ‘Nyns yw homma an fordh, ha nyns yw homma an sita. Siwyewgh vy, ha my a wra agas dri dhe'n gour a hwilowgh.’ Hag ev a's hembronkas dhe Samaria.

Yowann 1:38

Ha Yesu a dreylyas ha'ga gweles owth holya, ha leverel dhedha, ‘Pandr'a hwilowgh?’ Yn-medhons dhodho, ‘Rabbi (henn yw dhe styrya, Dyskador), ple'th esos trigys?’

Yowann 18:4

Rakhenna Yesu, ow kodhvos pup-tra a vedha ow hwarvos dhodho, eth yn-rag ha leverel dhedha, ‘Piw a hwilowgh?’

Yowann 18:7

Ytho arta ev a wovynnas orta, ‘Piw a hwilowgh?’ Hag yn-medhons, ‘Yesu a Nazareth.’

Yowann 20:15

Yn-medh Yesu dhedhi, ‘A venyn, prag yth oelydh? Piw a hwilydh?’ Hi, ow tybi y vos an lowarther, a leveris dhodho, ‘Syrra, mar kwrussys y dhoen dhe-ves, lavar dhymm le ma'n gorrsys, ha my a'n kemmer.’

Yowann 4:27

Gans henna y dhyskyblon a dheuth ha marth a's teva ev dhe gewsel gans benyn; byttegyns denvyth ny leveris, ‘Pandr'a hwilydh?’, po ‘Prag y kewsydh gensi?’

Breusysi 4:22

Pan dheuth Barak owth helghya Sisera, Yael eth yn-mes dhe vetya orto, hag a leveris dhodho, ‘Deus, hag my a dhiskwedh dhis an gour a hwilydh.’ Ytho ev a entras hy thylda, hag ottena Sisera a'y wrowedh marow ha'n ebil-tylda yn er y benn.