Jenesis 37:14 - An Bibel Kernewek 20234 (Kernewek Kemmyn)

¹⁴ Hag yn-medh ev dhodho, ‘Ke lemmyn dhe weles mars yw pup-tra yn poynt da gans dha vreder ha gans an flokk, ha dri dhymm derivas warnedha.’ Ytho ev a'n dannvonas dhiworth nans Hebron, hag ev a dheuth dhe Shekem.

Jenesis 37:14 ပူးပေါင်းရင်းမြစ်များ

Jenesis 13:18

Ena Abram a gavas gwiryow peuri ha dos ha triga ryb derow Mamre usi yn Hebron ha drehevel alter dhe'n Arloedh y'n tyller na.

Jenesis 23:19

Wosa hemma, Abraham a ynkleudhyas Sara y wreg y'n kav a bark Makpela a-dal Mamre, yw Hebron yn pow Kanan.

Jenesis 23:2

Ha Sara a verwis yn Kiryath-arba, yw Hebron yn pow Kanan, hag Abraham a dheuth dhe gyni rag Sara hag oela rygdhi.

Jenesis 29:6

Yn-medh ev dhedha, ‘Usi ev yn poynt da?’ hag yn-medhons i, ‘Usi, hag otta, y vyrgh Raghel ow tos gans an flokk.’

Jenesis 35:27

Ha Yakob a dheuth dhe Ysak y das, dhe Mamre, Kiryath-arba, henn yw Hebron, le may feu Abraham hag Ysak trigys avel alyons.

Jenesis 37:15

Ha neb unn gour a'n kavas, hag, awotta, yth esa ow kwandra a-dro y'n gwel; ha'n gour a wovynnas orto, ‘Pyth es'ta ow hwilas?’

Jenesis 41:16

Yosep a worthybis Faro, ow leverel, ‘Duw, a-der my, a re dhe Faro gorthyp a gres.’

Jenesis 43:27

Hag ev a wovynnas orta fatell ens, ow leverel, ‘Usi agas tas yn poynt da, an den koth a wrussowgh kewsel anodho? Yw ev hwath yn few?’

2 Samuel 11:7

Pan dheuth Uria dhodho, Davydh a wovynnas orto a-dro dhe Yoab, ha'n lu, ha fatell e an vresel.

2 Samuel 18:32

Ha'n myghtern a leveris dhe'n Kushyas, ‘Yw an gour yowynk Absalom saw?’ Ha'n Kushyas a worthybis, ‘Re bo eskerens ow arloedh an myghtern hag oll a dhrehav dhe wul drog dhis, kepar ha'n gour yowynk na.’

1 Myghternedh 2:33

Dehweles a wra aga goes war benn Yoab, ha war benn y has bys vykken; mes dhe Davydh, ha dh'y has, ha dh'y ji, ha dh'y dron, y fydh kres bys vykken dhiworth an Arloedh.’

Ester 2:11

Ha Mordekay a gerdhi pub dydh a-rag klos chi an benynes, rag godhvos fatell o gans Ester, ha'n pyth a hwarva dhedhi.

Salmow 125:5

An re a dreyl a-denewen dh'aga fordhow kamm an Arloedh a's hembronk dhe-ves gans an dhrogoberoryon. Re bo kres war Ysrael.

Yeremia 29:7

Ha hwilewgh kres an sita le may hwrug dhywgh bos degys dhe-ves yn divroedh, ha pysi war Dhuw ragdho, rag yn y gres hwi a'gas bydh kres.

Niverow 13:22

I a yskynnas dhe'n Negeb, ha dos dhe Hebron; hag yth esa ena Ahiman, Sheshay, ha Talmay, diyskynnysi Anak. (Hebron a veu drehevys seyth blydhen kyns es Soan yn Ejyp.)

Luk 19:42

ow leverel, ‘Mar kodhves, ty ynwedh, y'n jydh ma an taklow a led dhe gres! – mes lemmyn kudhys yns a'th tewlagas.

Yoshua 14:13

Yoshua a'n bennigas, hag ev a ros Hebron dhe Kaleb mab Yefunne rag eretons.

Yoshua 14:14

Ytho Hebron a dheuth ha bos eretons Kaleb mab Yefunne an Kenizzyas bys y'n jydh ma, drefenn ev dhe besya len dhe'n Arloedh, Duw Ysrael.

Yoshua 14:15

Kiryath-arba o hanow Hebron kyns; an Arba ma o den bras yn mysk an Anakim. Ha'n tir a'n jevo powes a vresel.

Breusysi 1:10

Yuda eth erbynn an Kananysi trigys yn Hebron (hanow Hebron o Kiryath-arba seuladhydh); hag i a weskis Sheshay, Ahiman ha Talmay.

1 Samuel 17:22

Davydh a asas y daklow yn dorn gwithyas an fardellow, ha poenya a-ji dhe'n lu ha salusi y vreder.