Jenesis 35:27 - An Bibel Kernewek 20234 (Kernewek Kemmyn)

²⁷ Ha Yakob a dheuth dhe Ysak y das, dhe Mamre, Kiryath-arba, henn yw Hebron, le may feu Abraham hag Ysak trigys avel alyons.

Jenesis 35:27 ပူးပေါင်းရင်းမြစ်များ

Jenesis 13:18

Ena Abram a gavas gwiryow peuri ha dos ha triga ryb derow Mamre usi yn Hebron ha drehevel alter dhe'n Arloedh y'n tyller na.

Jenesis 14:13

Ena y teuth unn dianker ha leverel hemma dhe Abram an Ebrow, esa trigys ryb derow Mamre; Amoryas o ev, broder Eshkol ha broder Aner, hag yth ens i keffrysysi Abram.

Jenesis 17:8

Ha my a re dhis, ha dhe'th has war dha lergh, an pow mayth esos ow kodriga ynno, oll an tir a Kanan dh'y berghenna bys vykken, ha my a vydh aga Duw.’

Jenesis 18:1

Ha'n Arloedh a omdhiskwedhas dhodho ryb derow Mamre, pan o esedhys yn daras an tylda yn toemmder an jydh.

Jenesis 23:19

Wosa hemma, Abraham a ynkleudhyas Sara y wreg y'n kav a bark Makpela a-dal Mamre, yw Hebron yn pow Kanan.

Jenesis 23:2

Ha Sara a verwis yn Kiryath-arba, yw Hebron yn pow Kanan, hag Abraham a dheuth dhe gyni rag Sara hag oela rygdhi.

Jenesis 28:5

Ytho Ysak a dhannvonas Yakob yn-kerdh; hag ev eth dhe Padan-aram, dhe Laban mab Bethuel a Aram, broder Rebeka, mamm Yakob hag Esaw.

Jenesis 31:18

hag ev a ledyas dhe-ves oll y jatel hag oll y daklow re gavsa, an chatel re wrussa gwaynya yn Padan-aram, rag mos dhe Ysak y das, dhe bow Kanan.

Jenesis 37:14

Hag yn-medh ev dhodho, ‘Ke lemmyn dhe weles mars yw pup-tra yn poynt da gans dha vreder ha gans an flokk, ha dri dhymm derivas warnedha.’ Ytho ev a'n dannvonas dhiworth nans Hebron, hag ev a dheuth dhe Shekem.

Jenesis 49:29

Ena ev a erghis dhedha, ow leverel dhedha, ‘My a vydh kuntellys war-barth gans ow fobel. Gwrewgh ow ynkleudhyas gans ow thasow y'n kav yn gwel Efron an Hittyas,

2 Samuel 2:1

Wosa hemma Davydh a wovynnas orth an Arloedh, ‘A wrav vy mos yn-bann a-ji dhe onan a sitys Yuda?’ Ha'n Arloedh a leveris dhodho, ‘Ke yn-bann.’ Davydh a wovynnas, ‘Ple'th av yn-bann?’ Hag yn-medh ev, ‘Dhe Hebron.’

2 Samuel 2:11

An termyn mayth esa Davydh myghtern yn Hebron war ji Yuda o seyth blydhen ha hwegh mis.

2 Samuel 2:3

Davydh a dhros yn-bann y wer esa ganso, pub gour gans y deylu; hag i a drigas yn sitys Hebron.

2 Samuel 5:1

Ena oll loethow Ysrael a dheuth dhe Davydh yn Hebron ha leverel, ‘Otta, dha askorn ha'th kig on ni.

2 Samuel 5:3

Ytho oll henavogyon Ysrael a dheuth dhe'n myghtern yn Hebron; ha myghtern Davydh a wrug kevambos gansa yn Hebron dherag an Arloedh, hag i a untyas Davydh myghtern war Ysrael.

2 Samuel 5:5

Yn Hebron ev a reynyas war Yuda seyth blydhen ha hwegh mis; hag yn Yerusalem ev a reynyas war oll Ysrael ha Yuda trydhek blydhen warn ugens.

Yoshua 15:13

Dhe Kaleb mab Yefunne ev a ros eretons yn mysk mebyon Yuda, war-lergh gorhemmynn an Arloedh dhe Yoshua – Kiryath-arba, honn yw Hebron (Arba o tas Anak).

Yoshua 21:11

I a ros dhedha Kiryath-arba (Arba o tas Anak), honn yw Hebron, yn bro venydhyek Yuda, gans an peurva yn hy hyrghynn.