Jenesis 35:19 - An Bibel Kernewek 20234 (Kernewek Kemmyn)

¹⁹ Ha Raghel a verwis hag a veu ynkleudhys y'n fordh dhe Efrath, henn yw Bethlehem.

Jenesis 35:19 ပူးပေါင်းရင်းမြစ်များ

Jenesis 35:16

Hag i a vyajyas dhiworth Bethel; yth esa hwath unn pols byghan kyns dos dhe Efrath, ha Raghel a dhallathas dineythi, ha kales veu rygdhi yn hy lavur.

Jenesis 35:18

Ha pan esa hy enev ow mos yn-mes anedhi, hi a'n henwis Benoni; mes y das a'n henwis Benyamin.

Jenesis 48:7

Pan dheuth vy dhiworth Padan, Raghel a verwis rybov yn pow Kanan war an fordh, hwath unn pols byghan kyns dos dhe Efrath, ha my a's ynkleudhyas ena war an fordh dhe Efrath.’ Henn yw Bethlehem.

2 Samuel 23:14

Y'n termyn na, yth esa Davydh y'n ger, hag yth esa savla-goelyadoryon an Filistysi yn Bethlehem.

2 Samuel 23:15

Davydh a yeunis ha leverel, ‘Unnweyth a rolla nebonan dhymm diwes a'n dowr dhiworth puth Bethlehem usi ryb an yet!’

1 Kroniklys 2:51

Salma tas Bethlehem, ha Haref tas Beth-gader.

2 Kroniklys 11:6

Ev a geras Bethlehem, Etam, Tekoa,

Ezra 2:21

Mebyon Bethlehem, tri ha hwegh ugens.

Salmow 132:6

Otta, ni a glewas anedhi yn Efratha, ha'y havoes yn gwelyow an koes.

Mika 5:1

Lemmyn kuntell dha vagasow a soudoryon, ty vyrgh a vagasow; omsettya a-dro dhyn a wrussons; gans gwelenn y hweskons bogh rewler Ysrael.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Mika 6:2

Klewyewgh, hwi venydhyow, breus an Arloedh, ha hwi selyow krev an bys; rag an Arloedh a'n jeves ken erbynn y bobel ha strivya a wra gans Ysrael.

Matthew 2:1

Ha pan veu Yesu genys yn Bethlehem Yudi yn dydhyow myghtern Herod, awotta, tus fur a dheuth dhiworth an howldrevel dhe Yerusalem,

Matthew 2:6

“Ha ty, Bethlehem, pow Yuda, nyns os mann an lyha yn mysk gwelhevin Yuda, rag yn-mes ahanas y teu hembrenkyas neb a wra bugelya ow fobel Ysrael.” ’

Yoshua 19:15

Kattath, Nahalal, Shimron, Ydala, ha Bethlehem: dewdhek sita gans aga godrevow.

Breusysi 17:7

Lemmyn yth esa gour yowynk a Bethlehem yn Yuda, a gordh Yuda. Levyas o, trigys ena.

Ruth 1:2

Hanow an gour o Elimelek, ha hanow y wreg o Naomi, ha'y dhew vab o Mahlon ha Kilyon, a deylu Efratha yn Bethlehem-yuda; hag i a dheuth yn tiredh Moab ha gortos ena.

Ruth 4:11

Hag oll an bobel esa y'n yet, ha'n henavogyon, a worthybis, ‘Dustunioryon on ni. Re wrello an Arloedh dhe'n venyn usi ow tos a-berth y'th chi bos kepar ha Raghel ha Lea, neb aga diw a dhrehevis chi Ysrael, ha re sewenni yn Efratha ha dos ha bos den a vri yn Bethlehem.

1 Samuel 10:2

Pan dhiberthydh a-dhiworthiv hedhyw, ty a gyv dew wour ryb bedh Raghel yn tiredh Benyamin yn Selsagh, hag i a lever dhis, “Trovys yw an asenes mayth ythys dh'aga hwilas. Hag otta, dha das re astelas prederi a-dro dhe'n asenes, mes prederus yw a'gas govis hwi, ow leverel, Pandr'a wrav a-dro dhe'm mab?”

1 Samuel 16:4

Ha Samuel a wrug an pyth a erghis an Arloedh dhodho, ha dos dhe Bethlehem. Ha henavogyon an dre a grenas orth y dhevedhyans, ha leverel, ‘Osta devedhys yn kres?’

1 Samuel 17:12

Lemmyn Davydh o mab an Efrathyas a Bethlehem yn Yuda, ha'y hanow Yesse, hag yth esa dhodho eth mab. Yn dydhyow Sowl an gour o seulabrys koth, gyllys y'n blydhynyow.