Jenesis 35:1 - An Bibel Kernewek 20234 (Kernewek Kemmyn)

¹ Duw a leveris dhe Yakob, ‘Sav, ke yn-bann dhe Bethel ha trig ena; ha gwra alter ena dhe'n Duw a omdhiskwedhas dhis pan eses ow fia dhiworth fas dha vroder Esaw.’

Jenesis 35:1 ပူးပေါင်းရင်းမြစ်များ

Jenesis 12:8

Ena ev eth alena bys yn menydh a'n est dhe Bethel ha settya y dylda yn-bann yntra Bethel y'n howlsedhes hag Ay y'n est, ha drehevel ena alter dhe'n Arloedh ha gelwel war hanow an Arloedh.

Jenesis 16:8

Hag ev a leveris, ‘Hagar, maghteth Saray, a-ble hwruss'ta dos, ha ple'th es'ta ow mos?’ Ha hi a leveris, ‘My a fi dhiworth golok ow mestres, Saray.’

Jenesis 22:14

Hag Abraham a elwis hanow an tyller na ‘An Arloedh a brovi’; dell yw leverys bys y'n jydh hedhyw, ‘War venydh an Arloedh y fydh proviys.’

Jenesis 29:1

Ena Yakob eth yn-kerdh ha mos dhe bow mebyon an howldrevel.

Jenesis 31:13

Duw Bethel ov vy, le may hwruss'ta untya peulven, le mayth ambossys ambos dhymm. Sav yn-bann lemmyn. Ke yn-mes a'n pow ma ha dehweles dhe bow dha enesigeth.” ’

Jenesis 31:3

Ena yn-medh an Arloedh dhe Yakob, ‘Dehwel dhe wlas dha dasow ha dhe'th kerens, ha my a vydh genes.’

Jenesis 34:31

Hag yn-medhons i, ‘A wra ev dyghtya agan hwoer avel hora?’

Jenesis 35:15

Ha Yakob a elwis hanow an tyller may kewsis Duw ganso, Bethel.

Jenesis 35:7

Hag ev a dhrehevis alter ena ha gelwel an tyller El-bethel, rag Duw a omdhiskwedhas dhodho ena pan esa ow fia dhiworth fas y vroder.

Salmow 46:1

Duw yw agan skovva ha'gan nerth, gweres yn anken na fyll nevra.

Salmow 47:4

Ev a dhewis agan ertach ragon, goeth Yakob y garadow. Sela.

Salmow 91:15

Ev a elow warnav ha my a worthyp dhodho; yth esov ganso yn anken, my a'n delirv ha'y enora.

Eksodus 2:15

Ha Faro a glewas a'n dra, ha hwilas ladha Moyses. Mes Moyses a fias dhe'n fo a-dhiworth Faro, hag a drigas yn pow Midyan; hag ev a esedhas ryb puth.

Hosea 12:4

Ev a strivyas gans an el ha prevaylya; ev a oelas hag a bysis favour dhiworto. Ev a'n kavas yn Bethel, hag ena y kewsis ganso:

Nahum 1:15

Awotta, war an menydhyow treys kannas nowodhow da, ow terivas kres! Gwith dha dhy'goelyow, A Yuda, kollanw dha ambosow, rag ny dremen an tebelwas dredhos nevra namoy; ev yw treghys dhe-ves yn tien.

Dewteronomi 32:36

Rag an Arloedh a vreus y bobel, ha kemmeres pita a'y servysi, pan wel aga nerth dhe vos gyllys, ha nag eus nagonan gesys, keth na rydh.

1 Samuel 10:3

Ha ty a dremen pella alena, ha ty a dheu dhe dherwenn Tabor, hag ena, tri gour a wra dha dhyerbynna, ow mos yn-bann dhe Dhuw, yn Bethel, onan anedha ow toen tri mynn, hag onan ow toen teyr thorth bara, hag onan ow toen botellas a win.