Jenesis 32:31 - An Bibel Kernewek 20234 (Kernewek Kemmyn)

³¹ Ha'n howl a dhrehevis warnodho hag ev ow tremena Penuel; hag yth esa ow kloppya drefenn y glun.

Jenesis 32:31 ပူးပေါင်းရင်းမြစ်များ

Jenesis 16:13

Ha hi a elwis hanow an Arloedh neb a gewsis gensi, ‘Ty yw Duw a'm gwel’, rag hi a leveris, ‘A wrugavy ynwedh gweles Duw ha bewa wosa y weles?’

Jenesis 19:15

Ha pan dheuth golow dydh, an eledh a ynnias war Lot, ow leverel, ‘Sav yn-bann, kemmer dha wreg ha'th tiw vyrgh usi omma ma na vi diswrys yn kessydhyans an sita.’

Jenesis 19:23

Drehevys veu an howl war an dor pan entras Lot yn Soar.

Jenesis 32:25

Pan welas na ylli y fetha, ev a weskis kraw y glun; ha kraw klun Yakob a veu digevelsys, hag ev owth omdewlel ganso.

Jenesis 32:32

Rag henna ny vynn mebyon Ysrael dybri giowenn an nervenn yn kraw an glun bys y'n jydh hedhyw, rag ev a weskis kraw klun Yakob, yn giowenn an nervenn.

1 Myghternedh 12:25

Ena Yeroboam a dhrehevis Shekem yn bro venydhyek Efraym, ha triga ena; ev eth yn-mes alena ha drehevel Penuel.

1 Myghternedh 18:26

Ytho i a gemmeras an lodhen a veu res dhedha, y bareusi, ha gelwel war hanow Baal a'n myttin bys yn hanter-dydh, ow kria, ‘A Baal, gorthyp dhyn!’ Mes nyns esa lev, ha nyns esa gorthyp. Hag i a lammas a-dro dhe'n alter re wrussons.

Salmow 38:17

Rag parys ov vy dhe drebuchya, hag yma ow galar prest a-dheragov.

Eksodus 24:10

ha gweles Duw Ysrael, hag yth esa yn-dann y dreys kepar ha leur a saffir avel nev y honan yn klerder.

Eksodus 24:11

Ha ny worras y dhorn war vryntinyon mebyon Ysrael; i a viras war Dhuw, ha dybri hag eva.

Ysay 6:5

Ena my a leveris, ‘Go-vy! diswrys ov vy, rag gour avlan y dhiwweus ov vy, ha trigys esov yn mysk pobel avlan hy diwweus; rag ow dewlagas re welas an Myghtern, Arloedh an luyow.’

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

2 Korinthianys 12:7

ha dre gnas fest dibarow an diskwedhyansow. Rakhenna, ma na dheffen ha bos re woethus, y feu res dhymm dreynenn y'n kig, el Satnas, ma'm kronkya ma na ven re woethus.

2 Korinthianys 12:9

Mes ev a leveris dhymm: ‘Ow gras yw lowr ragos; rag yn gwannder yth yw ow nerth gwrys perfydh.’ Ytho, fest yn lowen y hwrav vy bostya y'm gwannder, may trikko warnav nerth Krist.

Dewteronomi 5:24

Yn-medhowgh, ‘Awotta, an Arloedh agan Duw re dhiskwedhas dhyn y wolewder ha'y veuredh, ha ni re glewas y lev yn-mes a gres an tan. Hedhyw ni re welas Duw dhe gewsel gans den, hag ev a vew.

Dewteronomi 5:26

Rag piw eus a bub kig neb a glewas lev an Duw bew ow kewsel yn-mes a gres an tan avelon, ha bewa?

Breusysi 6:22

Ena Gideon a wodhya henna dhe vos el an Arloedh, ha Gideon a leveris, ‘Gweres vy, Arloedh Duw! Rag my re welas el an Arloedh fas orth fas.’

Breusysi 6:23

Mes an Arloedh a leveris dhodho, ‘Kres re bo dhis; na borth own, ny verwydh.’

Breusysi 8:8

Alena ev eth yn-bann dhe Penuel, hag a bysis dhiworta an keth tra; ha pobel Penuel a worthybis dhodho par dell worthybis pobel Sukkoth.