Jenesis 32:11 - An Bibel Kernewek 20234 (Kernewek Kemmyn)

¹¹ Delirv vy, my a'th pys, yn-mes a leuv ow broder, a leuv Esaw, rag my a berth own anodho, ev dhe dhos ha'm gweskel, an mammow gans an vebyon.

Jenesis 32:11 ပူးပေါင်းရင်းမြစ်များ

Jenesis 24:27

ha leverel, ‘Benniges re bo an Arloedh, Duw ow arloedh Abraham, na wrug forsakya y dregeredh ha'y wiryonedh troha'm arloedh. An Arloedh re'm hembronkas yn ewn dhe ji breder ow arloedh.’

Jenesis 27:41

Lemmyn Esaw a'n jevo eskarogeth erbynn Yakob drefenn an vennath may hwrussa y das y venniga gensi, hag Esaw a leveris yn y golonn, ‘Yma'n dydhyow a gynvann a-barth ow thas ow tos nes. Ena my a vynn ladha ow broder Yakob.’

Jenesis 27:42

Ha derivys veu geryow hy mab kottha dhe Rebeka ha hi a dhannvonas ha gelwel Yakob hy mab yowynka ha leverel dhodho, ‘Otta, yma dha vroder Esaw owth omgonfortya, ow prasa dhe'th ladha.

Jenesis 32:3

Ha Yakob a dhannvonas kannasow a-dheragdho dhe Esaw y vroder, dhe bow Seir, gwel Edom,

Jenesis 32:7

Ena Yakob a borthas own bras ha troblys veu; hag ev a rannas an dus esa ganso ha'n flokkys ha'n chatel ha'n kowrvergh yn dew vagas

Jenesis 33:4

Mes Esaw a boenyas er y bynn ha'y vyrla ha koedha war y gonna hag amma dhodho; hag i a oelas.

2 Samuel 7:18

Ena myghtern Davydh eth a-ji hag esedha dherag an Arloedh ha leverel, ‘Piw ov vy, A Arloedh Duw, ha pandr'yw ow chi, ma'm dresys omma?

Salmow 119:134

Daspren vy dhiworth arwask den, may synsiv dha arghadowyow.

Salmow 142:6

Goslow dhe'm garm; rag yth ov vy dres pur isel. Gwra ow delivra dhiworth ow helghysi, rag kreffa yns i agesov.

Salmow 16:1

Gwith vy, A Dhuw, rag ynnos jy y hwilav skovva.

Salmow 25:20

Gwith ow enev ha gwra ow delivra; na as vy dhe berthi meth, rag my a hwila skovva ynnos jy.

Salmow 31:2

Pleg dha skovarn dhymm; gwra ow delivra yn uskis; bydh dhymm karrek grev, ha kastell dhe'm selwel.

Salmow 43:1

Breus vy, A Dhuw, ha pled ow hen erbynn kenedhel ansans; gwra ow delivra dhiworth an falswas ha'n sherewa.

Lavarow Koth 18:19

Broder hyll yw maga tiwedhyn avel sita grev, ha kedrynna yw haval dhe varrys kastell.

Daniel 3:17

Yndella mars yw yn few, agan Duw neb a servyn a yll agan delivra mes a'n fornes a dan ow flammya, hag ev a'gan delirv mes a'th torn.

Hosea 10:14

Tervans a dhrehav yn mysk dha bobel, hag oll dha gastylli a vydh distruys, kepar dell wrug Shalman distrui Beth-arbel yn dydh an gas, pan veu brewys an vamm gans hy fleghes.

Matthew 6:13

Ha na wra agan dri yn temptasyon, mes delirv ni dhiworth drog.

Dewteronomi 22:6

Mars eus kevys a-ragos y'n fordh neyth edhen, yn neb gwydhenn po war an dor, ydhnigow po oyow, ha'n vamm owth esedha war an ydhnigow po war an oyow, na gemmer an vamm gans an re yowynk.

1 Samuel 12:10

Ena i a armas dhe'n Arloedh, ha leverel, “Ni re beghas, drefenn ni dhe forsakya an Arloedh, ha servya an Baalim ha'n Ashtaroth; mes lemmyn delirv ni yn-mes a dhorn agan eskerens, ha ni a'th serv.”

1 Samuel 24:15

Rakhenna re bo an Arloedh breusyas, ha breusi yntra my ha ty, ha gweles, ha pledya ow hen, ha'm delivra mes a'th leuv.’