Jenesis 31:55 - An Bibel Kernewek 20234 (Kernewek Kemmyn)

⁵⁵ Ha Laban a sevis myttin a-varr hag amma dh'y vebyon ha'y vyrghes ha'ga benniga; ha Laban eth yn-kerdh ha dehweles dh'y dyller ev.

Jenesis 31:55 ပူးပေါင်းရင်းမြစ်များ

Jenesis 18:33

Ha'n Arloedh eth yn-kerdh kettell wrussa astel kewsel dhe Abraham, hag Abraham eth arta dh'y dyller.

Jenesis 24:60

Hag i a vennigas Rebeka ha leverel dhedhi, ‘Agan hwoer osta; re bi mamm dhe vilyow a dhegow a vilyow, ha re berghenno dha has yet an re a's kas.’

Jenesis 28:1

Ena Ysak a elwis Yakob, ha'y venniga, hag erghi dhodho ow leverel, ‘Na gemmer gwreg a vyrghes Kanan.

Jenesis 30:25

Pan dhineythis Raghel Yosep, yn-medh Yakob dhe Laban, ‘Gas vy dhe vos yn-kerdh, may hallav mos dhe'm tyller vy ha dhe'm pow vy.

Jenesis 31:28

ha ny essys my dhe amma dhe'm mebyon ha'm myrghes? Lemmyn, tra wokki a wrussys.

Jenesis 31:43

Ena Laban a worthybis ha leverel dhe Yakob, ‘An myrghes yw ow myrghes vy, ha'n mebyon ow mebyon vy, ha'n flokk ow flokk vy, ha pup-tra a welydh, my a'n pew. Ha'm myrghes, pandr'a allav y wul hedhyw orth an re ma po rag aga mebyon re wrussons aga dineythi?

Jenesis 33:4

Mes Esaw a boenyas er y bynn ha'y vyrla ha koedha war y gonna hag amma dhodho; hag i a oelas.

2 Samuel 19:39

Ytho oll an bobel a dreusis dres an Yordan, ha'n myghtern a dreusis; an myghtern a ammas dhe Barzillay ha'y venniga, hag ev a dhehwelis dh'y ji.

Salmow 76:10

Sorr mab-den a dreyl dhe'th wormola; remenant an sorr ty a wisk a-dro dhis avel grogys.

Lavarow Koth 16:7

Pan vo fordhow gour plegadow gans an Arloedh, ev a wra may fo ynwedh y eskerens yn kres ganso.

Niverow 23:11

Ha Balak a leveris dhe Balaam, ‘Pandr'a wrussys dhymm? My a'th kemmeras dhe vollethi ow eskerens, mes yn le henna ty re wrug aga benniga.’

Niverow 23:5

Ha'n Arloedh a worras ger yn ganow Balaam, ha leverel, ‘Dehwel dhe Balak, hag yndellma y kewsydh.’

Niverow 23:8

Fatell allav mollethi neb na wrug Duw y vollethi? Fatell allav kuhudha neb na guhudhas an Arloedh?

Niverow 24:25

Ena Balaam a sevis, ha dehweles dh'y dyller; ha Balak ynwedh eth war y hyns.

Dewteronomi 23:5

(Byttegyns, ny vynnas an Arloedh dha Dhuw goslowes orth Balaam ha'n Arloedh dha Dhuw a dreylyas an volleth dhe vos bennath ragos, rag an Arloedh dha Dhuw dhe'th kara.)

Dewteronomi 32:36

Rag an Arloedh a vreus y bobel, ha kemmeres pita a'y servysi, pan wel aga nerth dhe vos gyllys, ha nag eus nagonan gesys, keth na rydh.

Ruth 1:14

Mes i a dhrehevis yn-bann aga lev, hag oela dagrow a-nowydh, hag Orpa a ammas dh'y hweger, mes Ruth a's byrlas yn tynn.