Mes Duw a dheuth dhe Abimelek yn hunros yn nos ha leverel dhodho, ‘Awotta, den marow osta, drefenn an venyn re wruss'ta kemmeres; rag demmedhys yw hi dhe wour.’
Hag yn-medh Duw dhodho yn hunros, ‘My ynwedh a woer ty dhe wul hemma gans kolonn lan, rag my ow honan a'th withas orth pegha er ow fynn. Ytho ny wrug vy dha asa dh'y thochya.
‘Y'n termyn pan esa an flokk ow konsevya my a dhrehevis yn-bann ow dewlagas ha gweles yn hunros an boghes esa ow mos yn-bann war an flokk dhe vos labol, brygh ha brithek.
Yma yn galloes ow leuv gul drog dhywgh; mes nyhewer an Duw a'gas tas a gewsis genev ow leverel, “Bydh war na wrylli leverel travyth dhe Yakob, na da na drog.”
Na ve genev vy Duw ow thas, Duw Abraham, hag Own Ysak, sur yw y hwruss'ta lemmyn ow dannvon gwag yn-kerdh. Duw a welas ow galarow ha lavur ow dorn, hag ev a'th rebukyas nyhewer.’
Ha'n dhew anedha a hunrosas hunros, pub yn unn nos, pub hunros gans y styryans y honan: an hanafor ha'n peber a vyghtern Ejyp, neb esa kelmys y'n prison.
Rag ty dhe gonneri er ow fynn ha'th valghder dhe dhos dhe'm diwskovarn, my a worr ow hig y'th troen, ha'm genva y'th tiwweus, ha my a wra dhis dehweles war an fordh may teuthys warnedhi.
“Mar rolla Balak dhymm y ji leun a arghans hag owr, ny allsen mos dres ger an Arloedh, dhe wul da po drog a'm bodh vy; an pyth a gews an Arloedh, henna my a gews?”
Hag ev owth ombrederi a-dro dhe'n taklow ma, awotta, el an Arloedh a omdhiskwedhas dhodho dre hunros, ow leverel, ‘Yosep mab Davydh, na borth own a gemmeres Maria yn gwreg dhis; rag an pyth usi omdhegys ynni yw der an Spyrys Sans.
Ha pan ova esedhys yn barr an vreus, y wreg a dhannvonas dhodho, ow leverel, ‘Ty na wra mellya gans an den gwiryon na, rag my a wodhevis lower hedhyw yn hunros a'y wovis ev.’
Ena ty a worthyp ha leverel a-rag an Arloedh dha Dhuw, ‘Aramean gwandrek o ow thas, hag ev eth yn-nans dhe Ejyp ha godriga ena gans boghes tus hag ena mos ha bos kenedhel vras, krev ha niverus.