Jenesis 31:12 - An Bibel Kernewek 20234 (Kernewek Kemmyn)

¹² Hag yn-medh ev, “Drehav dha dhewlagas ha mir: oll an boghes usi owth yskynna war an flokk yw labol, brygh ha brithek. Rag my re welas pup-tra eus Laban ow kul dhis.

Jenesis 31:12 ပူးပေါင်းရင်းမြစ်များ

Jenesis 31:10

‘Y'n termyn pan esa an flokk ow konsevya my a dhrehevis yn-bann ow dewlagas ha gweles yn hunros an boghes esa ow mos yn-bann war an flokk dhe vos labol, brygh ha brithek.

Jenesis 31:42

Na ve genev vy Duw ow thas, Duw Abraham, hag Own Ysak, sur yw y hwruss'ta lemmyn ow dannvon gwag yn-kerdh. Duw a welas ow galarow ha lavur ow dorn, hag ev a'th rebukyas nyhewer.’

Salmow 10:14

Ty re'n gwelas, rag ty a wra vri a dhregynn ha poenvos, dh'y gemmeres y'th tiwleuv; an anfeusik a gemmynn y honan dhiso jy; ty yw gwereser an omdhivas.

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 139:3

Ty a hwither ow hyns ha'm growedha, ha ty a aswonn oll ow fordhow.

Eksodus 3:7

Ena an Arloedh a leveris, ‘My re welas galar ow fobel usi yn Ejyp ha klewes aga kri drefenn aga mestrysi kethneth; aswonn a wrav aga galarow;

Eksodus 3:9

Ha lemmyn, otta, kri mebyon Ysrael re dheuth dhymm, ha my re welas an arwask mayth arwask an Ejyptianys warnedha.

Ekklesiastes 5:8

Mar kwelydh arwask an boghosek ha ladrans a wirvreus hag ewnder yn rannvro, na borth marth a'n dra. Rag dres soedhek ughel yma soedhek ughella, ha dres an re ma yma tus ughella hwath.

Levitikus 19:13

Ny wre'ta arwaska dha gentrevek na'y robbya. Ny wra gober gwas arvethys gortos genes jy oll an nos bys y'n myttin.

Oberow 7:34

My re welas arwask ow fobel yn Ejyp, ha my re's klewas ow kyni, ha my re dheuth yn-nans rag aga sawya; lemmyn, deus, dha dhannvon dhe Ejyp a wrav.”

Efesianys 6:9

Ha'n vestrysi, gwrewgh hwi an keth tra dhedha heb godros, ow kodhvos bos an Arloedh anedha i hag ahanowgh hwi yn nev, ha nyns eus faverans ganso.

Dewteronomi 24:15

Ro dhodho y arveth y'n keth jydh ma'n dendilas, kyns es an howl dhe sedhi warnodho, rag boghosek yw, ha'y vewnans a greg warnodho; ken ev a elow war an Arloedh er dha bynn, hag y fydh peghes ynnos.