Jenesis 30:27 - An Bibel Kernewek 20234 (Kernewek Kemmyn)

²⁷ Yn-medh Laban dhodho, ‘Mar kwrug vy kavoes gras y'th wolok, my re dhyskas dre dhewinieth an Arloedh dhe'm benniga a'th wovis.’

Jenesis 30:27 ပူးပေါင်းရင်းမြစ်များ

Jenesis 12:3

Ha my a vennik an re a wra dha venniga jy; ha neb a'th villik a wrav vy y villiga. Ynnos jy y fydh benniges oll teyluyow an nor.’

Jenesis 18:3

ha leverel, ‘Ow Arloedh, mar kevis gras y'th wolok, na dremen yn-rag dres dha was.

Jenesis 26:24

Ha'n Arloedh a omdhiskwedhas dhodho an keth nos ha leverel, ‘My yw Duw Abraham dha das. Na borth own, rag yth esov genes ha my a wra dha venniga hag ynkressya dha has a-barth Abraham ow gwas.’

Jenesis 30:30

rag yth esa boghes genes kyns my dhe dhos, mes ynkressys yw yn feur, ha'n Arloedh re wrug dha venniga plepynag y feuv. Mes lemmyn, p'eur hwrav vy provia rag ow chi ow honan ynwedh?’

Jenesis 33:15

Ytho Esaw a leveris, ‘Gas vy dhe asa genes rann a'n bobel usi genev.’ Hag yn-medh ev, ‘Prag? Re gyffiv gras yn golok ow arloedh.’

Jenesis 34:11

Hag yn-medh Shekem dh'y thas ha dh'y breder, ‘Gesewgh vy dhe gavoes gras yn agas golok, ha my a vynn ri pynag a vynnowgh leverel.

Jenesis 44:5

A nyns yw hemma an hanaf mayth yv ow arloedh anodho, ha gul dewinieth ganso? Ow kul hemma, hwi re wrug tebelwrians.” ’

Jenesis 47:25

Hag yn-medhons i, ‘Ty re sawyas agan bewnans. Gwren ni kavoes gras yn golok ow arloedh, ha ni a vydh kethwesyon dhe Faro.’

2 Samuel 6:11

Hag yth esa argh an Arloedh trigys yn chi Obed-edom an Gittyas tri mis; ha'n Arloedh a vennigas Obed-edom hag oll y vayni.

1 Myghternedh 11:19

Hadad a gavas favour meur yn golok Faro, may ros dhodho hwoer y wreg, an vyghternes Tahpenes.

Nehemia 1:11

A Arloedh, my a'th pys, bedhes dha skovarn hewoel dhe bysadow dha was, ha dhe bysadow dha wesyon neb yw hwansek dhe berthi own a'th hanow. Ro sewena, my a'th pys, dhe'th was an jydh ma, ha gront dhodho truedh yn golok an gour ma!’ Yth en vy hanafor an myghtern.

Nehemia 2:5

Ha my a leveris dhe'n myghtern, ‘Mar pleg dhe'n myghtern ha mar kavas dha was favour y'th wolok, dannvon vy dhe Yuda, dhe sita bedhow ow thasow, ma's dastrehaffen vy.’

Salmow 1:3

Ev a vydh avel gwydhenn plynsys ryb goverow dowr, ow ri hy frut yn hy seson, ha ny wedher hy del. Hag yn pup-tra a wra, ev a sewen.

Eksodus 3:21

Ha my a re gras dhe'n bobel ma yn golok an Ejyptianys; ha pan yllowgh, nyns ewgh gwag agas leuv,

Ysay 6:13

Ha kyn fo an degves rann gesys ynno, y fydh leskys arta, kepar ha terebinthenn po derwenn a as kyf pan yw treghys dhe'n dor.’ An has sans yw hy hyf.

Ysay 61:9

Aga has a vydh aswonnys y'n kenedhlow, ha'ga askorr yn mysk an poblow. Peub a's gwel a aswonn i dhe vos has a wrug an Arloedh aga benniga.

Ysay 65:8

Yndellma y lever an Arloedh: Dell yw an sugen hwath kevys yn bagas a rappys, ha den a lever, ‘Na wra y dhistrui, rag yma bennath ynno’, yn kettella my a wra a-barth ow servysi, heb distrui peub oll.

Daniel 1:9

Ha Duw a wrug dhe benn an spadhesigyon diskwedhes favour ha truedh dhe Daniel.

Niverow 11:11

Moyses a leveris dhe'n Arloedh, ‘Prag y tebeldhyghtsys dha was? Ha prag na gevis gras y'th wolok, may korrydh begh an bobel oll ma warnav?

Niverow 11:15

Mar mynnydh dyghtya genev yndellma, ladh vy distowgh, mar kevis gras y'th wolok, ma na welliv ow anfeus.’

Oberow 7:10

hag ev a'n sawyas mes a'y boenvos oll, ha ri dhodho favour ha furneth dherag Faro myghtern Ejyp, neb a'n ordenas governour dres Ejyp ha dres y goskordh oll.

Ruth 2:13

Hag yn-medh hi, ‘Gas vy dhe gavoes gras y'th tewlagas, ow arloedh, drefenn ty dhe'm konfortya, ha drefenn ty dhe gewsel orth kolonn dha vaghteth – ha my, nyns ov vy kepar hag onan a'th vaghtethyon.’

1 Samuel 16:22

Ha Sowl a dhannvonas dhe Yesse ow leverel, ‘Gas Davydh dhe wortos y'm servis, rag ev re gavas favour y'm golok.’