Jenesis 3:23 - An Bibel Kernewek 20234 (Kernewek Kemmyn)

²³ ytho an Arloedh Duw a'n dannvonas yn-mes a lowarth Eden dhe wonedha an dor may fia kemmerys anodho.

Jenesis 3:23 ပူးပေါင်းရင်းမြစ်များ

Jenesis 4:2

Hag arta, hi a dhineythis y vroder, Abel, hag Abel o bugel deves mes Kayn o gonisyas dor.

Jenesis 4:12

Pan wonedhydh an dor, alemma rag ny vynn ev ri dhis y nerth. Ty a vydh gwandryas diannedh war an nor.’

Jenesis 3:19

Yn hwys dha fas ty a dheber bara, bys may tehwelli arta dhe'n dor; rag a henna ty a veu kemmerys: rag doust osta, ha dhe dhoust arta ty a dhehwel.’

Ekklesiastes 5:9

An gwella tra rag pow yw myghtern, mayth yw y diryow y honan gonedhys yn ta.

Jenesis 2:5

Pan nag esa hwath prysk an gwel y'n dor, ha pan na devis hwath losow an gwel, rag ny wrussa an Arloedh Duw gasa glaw dhe goedha war an norvys, ha nyns esa den dhe wonedha an dor,

Jenesis 9:20

Ha Noy a dhallathas bos tiek, hag ev a blansas gwinlann.

Jenesis 3:22

Hag yn-medh an Arloedh Duw, ‘Awotta, devedhys yw an den ha bos kepar hag onan ahanan, ow kodhvos an da ha'n drog. Ha lemmyn, ma na worro yn-rag y leuv, ha kemmeres ynwedh a'n wydhenn a vewnans, ha dybri ha bewa bys vykken’ –

Jenesis 3:24

Ytho ev a jasyas an den yn-mes ha gorra an cherubim a'n barth est dhe lowarth Eden ha kledha ow flammya ow treylya war bub tu rag gwitha fordh an wydhenn a vewnans.

Jenesis 2:7

an Arloedh Duw a formyas mab-den mes a dhoust an dor ha hwytha yn y dhewfrik anall bewnans, ha den eth ha bos enev bew.

Jenesis 2:8

Ha'n Arloedh Duw a blansas lowarth yn Eden troha'n howldrevel ha gorra ena an den re wrussa formya.