Jenesis 3:20 - An Bibel Kernewek 20234 (Kernewek Kemmyn)

²⁰ Hag Adam a elwis hanow y wreg Eva drefenn hi dhe vos mamm peub oll bew.

Jenesis 3:20 ပူးပေါင်းရင်းမြစ်များ

Jenesis 16:11

Hag el an Arloedh a leveris dhedhi, ‘Awotta, gans flogh osta ha ty a dhineyth mab ha ty a'n henow Yshmael, a-ban glewas an Arloedh dha alar.

Jenesis 2:20

Hag Adam a ros henwyn dhe oll an chatel ha dhe ydhyn an ayr ha dhe bub best a'n gwel, mes nyns esa kevys gweres, par gwiw dhodho.

Jenesis 2:23

Hag yn-medh Adam, ‘Homma wortiwedh yw askorn a'm eskern vy, ha kig a'm kig vy. Hi a vydh henwys Gwreg, rag hy bos kemmerys mes a wour.’

Jenesis 3:21

Ha'n Arloedh Duw a wrug powsyow a groghen rag Adam ha'y wreg ha'ga gwiska.

Jenesis 35:18

Ha pan esa hy enev ow mos yn-mes anedhi, hi a'n henwis Benoni; mes y das a'n henwis Benyamin.

Jenesis 5:29

Hag ev a elwis y hanow Noy, ow leverel, ‘An keth hemma a re dhyn konfort dhiworth agan ober ha dhiworth lavur agan diwla drefenn an dor re vollethis an Arloedh.’

Eksodus 2:10

Ha'n maw a devis, ha hi a'n dros dhe vyrgh Faro, hag ev o avel mab dhedhi ha hi a'n henwis Moyses, ow leverel, ‘Drefenn my dh'y denna mes a'n dowr.’

Matthew 1:21

Ha hi a dhineyth mab, ha ty a'n henow Yesu; rag ev a saw y bobel dhiworth aga feghosow.’

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Oberow 17:26

hag ev a wrug a unn den pub kenedhel a dus mayth annetthens enep kowal an nor, hag ev a apoyntyas aga oesow destnys hag oryon aga annedhow,

2 Korinthianys 11:3

Mes yma own dhymm, par dell doellas an sarf Eva der y felder, yma own dhymm bos agas brysyow dynys yn neb fordh dhiworth an sempledh ha'n lenduri usi yn Krist.

1 Timothi 2:13

Rag Adam a veu formys kyns oll, ena Eva,

1 Samuel 1:20

Y'n termyn gwiw, Hanna a omdhuk ha dineythi mab, ha hi a'n henwis Samuel, rag hi a leveris, ‘My re'n govynnas orth an Arloedh.’