Jenesis 3:19 - An Bibel Kernewek 20234 (Kernewek Kemmyn)

¹⁹ Yn hwys dha fas ty a dheber bara, bys may tehwelli arta dhe'n dor; rag a henna ty a veu kemmerys: rag doust osta, ha dhe dhoust arta ty a dhehwel.’

Jenesis 3:19 ပူးပေါင်းရင်းမြစ်များ

Jenesis 18:27

Hag Abraham a worthybis, ‘Awotta lemmyn, my re vedhas kewsel orth an Arloedh, ha my doust ha lusu.

Jenesis 2:7

an Arloedh Duw a formyas mab-den mes a dhoust an dor ha hwytha yn y dhewfrik anall bewnans, ha den eth ha bos enev bew.

Jenesis 23:4

‘My yw alyon ha godriger yn agas mysk; grontyewgh dhymm perghennogeth rag ynkleudhva genowgh, may hylliv ynkleudhyas an korf mes a'm golok.’

Jenesis 3:18

Ev a dhre spern hag askall dhis ha ty a wra dybri losow an gwel.

Jenesis 5:5

Dydhyow oll bewnans Adam a veu naw kans blydhen ha deg warn ugens; hag ev a verwis.

Job 1:21

Hag ev a leveris, ‘Noeth y teuth vy dhiworth torr ow mamm, ha noeth y tehwelav ena; an Arloedh a ros, ha'n Arloedh re gemmeras dhe-ves; benniges re bo hanow an Arloedh.’

Job 10:9

Porth kov, ty dhe'm gul a bri; a vynnydh ow threylya dhe dhoust arta?

Job 19:26

ha wosa ow kroghen dhe vos distruys yndella, hwath y'm kig my a wel Duw:

Job 21:26

I a wrowedh war-barth y'n doust, ha'n kontron a wra aga hudha.

Job 34:15

galsa oll kig dhe goll war-barth, ha mab-den a dreylsa arta dhe dhoust.

Job 4:19

kemmys moy an re usi trigys yn chiow a bri, hag yma aga sel y'n doust, neb yw skwattys maga uskis avel goedhan.

Salmow 103:14

Rag ev a aswonn agan devnydh; yma kov dhodho agan bos doust.

Salmow 104:23

Den a yn-mes dh'y ober ha dh'y lavur bys y'n gorthugher.

Salmow 104:29

Pan gudhydh dha fas, dyegrys yns i; pan gemmerydh aga anall i a verow, ha treylya arta dh'aga doust.

Salmow 127:2

Euver ragowgh hwi yw sevel a-varr, ha powes helergh, ow tybri an bara a lavuryow; rag yndella y re ev hun dh'y garadow.

Salmow 22:15

Ow nerth yw desyghys avel darn a briweyth, ha'm taves a len orth ow grudh; ha ty a'm gorr yn doust ankow.

Salmow 22:29

Oll an vrasyon war an nor a dheber ha gordhya; oll an re a dhiyskynn dhe'n doust a ombleg a-dheragdho, ha ny yll denvyth bewhe y enev y honan.

Salmow 90:3

Ty a dreyl den arta dhe dhoust, hag a lever, ‘Dehwelewgh, hwi vebyon den.’

Lavarow Koth 21:16

Neb a wander dhiworth an fordh a gonvedhes a wra powes yn kuntelles spyrysyon an re varow.

Ekklesiastes 1:13

ha my a settyas ow brys yn furneth dhe hwilas ha hwithra pup-tra re beu gwrys yn-dann nev. Beghus yw an ober re ros Duw dhe vebyon den, gans meur a daklow dhe wul.

Ekklesiastes 1:3

Pandr'yw an gwayn dhe vebyon den der oll aga ober kales a wrons i dhe oberi omma yn-dann an howl?

Ekklesiastes 12:7

ha'n doust a dhehwel dhe'n dor kepar dell o, ha'n spyrys a dhehwel dhe Dhuw neb a'n ros.

Ekklesiastes 3:20

An dhew a dhe'n keth tyller: an dhew a dheu dhiworth an doust, ha dhe'n doust an dhew a dhehwel.

Ekklesiastes 5:15

Kepar dell dheuth ev yn-mes a dorr y vamm, noeth y hwra dehweles kepar dell dheuth, ha ny gyv a'y lavur travyth a yll y gemmeres dhe-ves yn y dhorn.

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

1 Korinthianys 15:47

A'n dor yth o an kynsa den, den a dhoust; a nev yth yw an nessa den.

Efesianys 4:28

Neb a lader, na ladres namoy, mes gwres ev lavurya, owth oberi an dra dha gans y dhiwla y honan, may kaffo neppyth dhe ranna gans neb a'n jeffo edhomm.

1 Thessalonianys 2:9

Rag hwi a berth kov, a vreder, a'gan lavur ha'gan hwel. Owth oberi dydh ha nos ma na worren begh warnowgh, ni a bregowthas dhywgh aweyl Duw.

2 Thessalonianys 3:10

Rag pan esen ni genowgh ynwedh, ni a worhemmynnis dhywgh: den mar ny vynn oberi, na wres ev dybri naneyl.

Ebrowyon 9:27

Ha poran dell yw ordenys dhe dus merwel unnweyth, ha wosa henna breus,