Jenesis 29:25 - An Bibel Kernewek 20234 (Kernewek Kemmyn)

²⁵ Mes ternos vyttin, otta, yth o hi Lea, hag yn-medh ev dhe Laban, ‘Pyth yw hemma re wruss'ta dhymmo? A ny wrug vy servya genes seyth blydhen rag Raghel? Prag y hwruss'ta ow thoella?’

Jenesis 29:25 ပူးပေါင်းရင်းမြစ်များ

Jenesis 12:18

Ha Faro a elwis Abram ha leverel, ‘Pyth yw hemma a wruss'ta gul dhymmo? Prag na wruss'ta leverel dhymm hi dhe vos dha wreg?

Jenesis 20:9

Ena Abimelek a elwis Abraham ha leverel dhodho, ‘Pandr'a wruss'ta gul dhyn ni, ha fatell beghis vy er dha bynn, may hwruss'ta dri pegh meur warnav vy ha war ow gwlaskor? Ty re wrug dhymmo vy taklow na dalvia bos gwrys.’

Jenesis 26:10

Hag yn-medh Abimelek, ‘Pyth yw hemma a wruss'ta gul dhyn ni? Martesen onan a'n bobel a wrussa growedha gans dha wreg, ha ty a wrussa dri blam warnan.’

Jenesis 29:16

Dhe Laban yth esa diw vyrgh. Hanow an kottha o Lea, ha hanow an yowynka, Raghel.

Jenesis 29:24

Ha Laban a ros y vaghteth Zilpa dhe Lea y vyrgh avel maghteth.

Jenesis 29:26

Hag yn-medh Laban, ‘Nyns yw usys yndella yn agan tyller ni ri an yowynka kyns an kynsa-genys.

Jenesis 31:26

Hag yn-medh Laban dhe Yakob, ‘Pandr'a wruss'ta? Ty re'm toellas ha kibya ow myrghes kepar ha pan vens prisnoryon kemmerys gans an kledha.

Jenesis 31:7

Agas tas re'm toellas ha chanjya ow gober dekkweyth, mes ny wrug Duw y asa dhe'm aperya.

Lavarow Koth 11:31

Mars yw an den gwiryon rewardys war an norvys, kemmys moy an tebelwas ha'n peghador!

Matthew 7:12

Kekemmys ytho a vynnowgh orth tus gul ragowgh hwi, henna gwrewgh ragdha i; rag hemm yw an lagha ha'n brofoesi.

Matthew 7:2

rag gans an vreus may hwrewgh hwi breusi dredhi, hwi a vydh breusys, ha gans an musur may fusurowgh hwi ganso, y fydh musurys dhy'hwi.

Yowann 21:17

Y'n tressa treveth yn-medh ev dhodho, ‘Simon mab Yowann, es'ta jy orth ow hara vy?’ Peder a gemmeras duwon, rag ev dhe leverel dhodho y'n tressa treveth, ‘Es'ta jy orth ow hara vy?’ Yn-medh ev dhodho, ‘Arloedh, ty a woer pup-tra, ty a woer my dhe'th kara.’ Yn-medh ev dhodho, ‘Mag ow deves.

1 Korinthianys 3:13

ober kettep penn a wra dos ha bos apert, rag an jydh a wra y dhiskwedhes, rag y fydh diskwedhys gans tan, ha'n tan a wra previ py par ober re beu gwrys gans kettep penn.

Diskwedhyans 3:19

Myns a garav, a geredhav ha keski. Bydh diwysyk, ytho, ha kemmer edrek.

Breusysi 1:7

Yn-medh Adoni-bezek, ‘Deg myghtern ha tri-ugens, aga meusi ha bysies-troes bras treghys dhe-ves, a guntella brewyon yn-dann ow moes; kepar dell wrugavy, yndella Duw re attylis dhymm.’ Hag i a'n dros dhe Yerusalem, hag ev a verwis ena.

Ruth 4:11

Hag oll an bobel esa y'n yet, ha'n henavogyon, a worthybis, ‘Dustunioryon on ni. Re wrello an Arloedh dhe'n venyn usi ow tos a-berth y'th chi bos kepar ha Raghel ha Lea, neb aga diw a dhrehevis chi Ysrael, ha re sewenni yn Efratha ha dos ha bos den a vri yn Bethlehem.

1 Samuel 28:12

Pan welas an venyn Samuel, hi a armas gans lev ughel; ha'n venyn a leveris dhe Sowl, ‘Prag y'm toellsys? Rag ty yw Sowl!’